خالد الجندي: المعركة بين الشريعة والخمر وليست بين الشرع والبيرة

قال الشيخ خالد الجندي: إن الأيام الماضية أثبتت أن الغباء في تناول القضايا مدمر، مضيفا: لو جيت تقول للناس ده أبو حنيفة بيقول هيجي واحد عنده غباء فهيقول الحق الشيخ خالد الجندي بيفتي بيقول إيه، يا جماعة ده مش أنا دا أبو حنيفة، الإمام مالك بيقول، يجي واحد يقولك اِلحق ده الشيخ خالد الجندي بيبيح إيه، وبيقول إيه ياجماعة ده مش أنا ده الإمام مالك اللي بيقول.

البنوك ليست ربا

وأضاف الشيخ خالد الجندي في حديثه في برنامج لعلهم يفقهون علي قناة dmc: نقول إن أموال البنوك ليست ربا، يقولك بص الشيخ خالد بيقول إيه ده بيحلل وبيبيح الربا، مستكملا: هذا دليل على ضيق أفق وعلى جهل، يا جماعة إحنا بنتكلم عن أموال البنوك مش أموال الربا.

خالد الجندي: ربنا حرم الربا ومقالش البنوك

وأردف الشيخ خالد الجندي بـ: عشان كده بقولهم ياجماعة ربنا قال وأحل الله البيع وحرم الربا، مش البنوك، ربنا مقالش البنوك، مضيفا: يقولك إيه هو ربنا قال وحرم الله الخمر والشامبانيا، والفوتيكا، أهو ده غباء، هو حط المعركة بين الشرع وبين البنوك، لكن المعركة مش بين الشرع وبين البنوك، لا بين الشرع وبين الربا.

واستكمل الجندي حديثه: لو واحد قال طب ما إنت قولت إيه إن ربنا قال إن البيرة حرام، نقوله إيه أيوا بس متخليش المعركة بين الشرع والبيرة، المعركة بين الشريعة والخمر.

المعركة ليست بين الشريعة والحشيش

وأردف بـ: خدوا بالكم عشان الناس الأغبية بيودونا في داهية، المعركة مش بين الشريعة والفوتيكا، المعركة ما بين الشريعة والخمور، ييجي واحد يقولك انت بقى يا مولانا بتقول إن الحشيش مش حرام، شوفو الغباء بقا يا جماعة المعركة مش بين الشريعة والحشيش، الحشيش خمر زي باقي الخمور بس المعركة بين الشريعة والخمور، وعائلة الخمور تشمل كل حاجة.

وأشار الشيخ خالد الجندي إلى أن الغباء معصية في ديننا؛ لأن ديننا قائم على الفهم، منوهًا بأن الغباء خطورته أشد على الأمة من الجهل.

خالد الجندي: الذنب الذي يتعلق بحقوق الناس لا يغتفر

خالد الجندي لمحرمي فوائد البنوك: قُطعت ألسنتكم وأسأل الله أن يفضحكم على رؤوس الخلائق