السوشيال ميديا ساحة حرب.. أبرز تصريحات عبير صبري
حلت الفنانة عبير صبري، ضيفة في أحد البرامج التليفزيوينة، وتحدثت من خلال الحلقة عن علاقتها بزوجها، وكواليس أعمالها السابقة، وكذلك أرائها في معظم المواضيع الحياتية.
أبرز تصريحات عبير صبري
- اقترح إلغاء التعليم المجاني ويصل للجامعة المتفوقين جدا واللي يستحقوا اللي بيدفع لهم من خزينة الدولة.
- مش لازم كل الناس تتعلم لكن يتعلموا بشكل يليق بظروفهم مثل التعليم الصناعي والفني.
- بتحسد طول الوقت وأؤمن بالحسد، لأن الرسول كان بيقول كل صاحب نعمة محسود.
- الراجل بيبين أنه مش بيحب الست الجريئة، لكن هو من جواه بيحبها.
- أعجبت بشخصية زوجي لأنه راكز وتقيل وعاقل وكتوم،ومكنتش عاوزة أكبر وأنا لوحدي.
- حياتي لم تتغير بعد الزواج، لأن زوجي يعيش معظم الوقت في دبي وأنا أقيم في مصر.
- لما زوجي شاف دوري في مسلسل خيانة عهد.. قال لي لو شفته قبل الزواج ما كنتش هتجوزك.
- مافيش في الحياة أوقات سهلة، والشخص اللي متصور كده لسه ما نضجش.
- محمد رمضان ملتزم ومحب للجميع، وبيعمل زي النجوم العالميين ولاعبية الكورة اللي بيستعرضوا ممتلكاتهم.
- السوشيال ميديا بالنسبة لي ساحة حرب مش حقيقية ومجرد تخيلات.
آخر أعمال عبير صبري في رمضان
على جانب آخر، شاركت عبير صبري في موسم رمضان الماضي، من خلال مسلسل موسى، للفنان محمد رمضان، وشارك بالعمل نخبة من الفنانين، من بينهم سمية الخشاب، رياض الخول، عبير صبري، أسماء جلال، هبة مجدي، ضياء عبد الخالق، منذر رياحنة، فريدة سيف النصر، مفيد عاشور، تارا عماد، وهو من تأليف ناصر عبد الرحمن، وإخراج محمد سلامة.
