بعد تخطيه سن الـ 50.. هشام المليجي: متجوزتش لحد دلوقتي علشان لسه بكون نفسي
تحدث الفنان هشام المليجي، عن حياته الخاصة كاشفا أنه لم يتزوج حتى الآن، ولم يسبق له الزواج من قبل، خاصة وأنه تخطى سن الـ 50.
وقال هشام المليجي، خلال إحدى البرامج التلفزيونية: لم أتزوج من قبل، الموضوع ده كبير، في 3 إجابات جاهزين ممكن أقولهم ونكمل البرنامج، لكن لو هنتكلم بجد فالموضوع كبير، ومكنتش فاضي والله، ولسه بكون نفسي.
وتابع هشام المليجي: مفيش نصيب دي حاجة بتاعت ربنا، لأن في ناس أتجوزت وفي ناس متجوزتش، الموضوع عادي، الجواز ده في خطأ شائع أنه حب ولازم نكون حاجة معينة، ولكن هو اشتراك بين اتنين عايزين يعملوا أسرة، فلازم يكون الأفكار والأهداف متقاربة، الشكل مش مؤشر لحاجة.
وأضاف هشام المليجي: ولكن الناس اللي مروا في حياتي طلعوا عنيا وده عمل مخزون، وعشان الجواز مهم جدا لازم الواحد يأجله آخر حاجة في حياته، المجتمعات عايزة مواطن ممنهج ونمطي يعيش، وأنا مش عايز أكون ممنهج.
أعمال هشام المليجي
وعلى جانب آخر، كان آخر أعمال الفنان هشام المليجي، هو مشاركته في مسلسل قيد عائلي عام 2019، من تأليف محمد رجاء وميشيل نبيل، ومن إخراج تامر حمزة، وضم المسلسل العديد من الفنانين من بينهم ميرفت أمين، عزت العلايلي، بوسي، صلاح عبدالله، كارولين عزمي، ودينا فؤاد.
