مرتضى منصور: اللي بيحصل معايا ما ينفعش.. مش كل يوم 18 قضية من الخطيب
أبدى مرتضى منصور، رئيس نادي الزمالك، حزنه الشديد من الشائعات التي ترددت خلال الساعات الماضية، عن احتجازه بسبب القضايا التي تم رفعها عليه مؤخرا.
وقال مرتضى منصور، خلال تصريحات في فيديو تم نشره عبر صفحته الشخصية بموقع التواصل الاجتماعي فيسبوك: مرتضى منصور مواطن مش فوق القانون، وكنت عامل فيديو وأنا غاضب، ولكن أصدقائق في النادي قالولي بلاش تنزله فغيرته.
وأضاف: مش هاينفع الكلام اللي بيحصل معايا، كل يوم ألاقي 18 قضية من الخطيب و17 من العتال وغيرهم، وما يفرقش معايا العدد، ولكن يفرق معايا هو القضايا دي صح ولا لا.
وأوضح رئيس نادي الزمالك: أنا ممكن أعمل مؤتمر صحفي، وأعرض فيه حقيقة القضايا دي، وهحرج الجميع، واللي بيحصل زايد عن حده.. أنا بحضر في المحكمة وباخد قضايا، لأن مافيش قضايا أصلا.
مش فاضي وعندنا تجديد عقود اللاعبين
وأوضح مرتضى منصور: أنا ما قولتش أني فوق القانون ولا الخطيب فوق القانون، وأنا مش فاضي عندنا تجديد عقود لاعبين وملف المقر الثاني للنادي، والدولة بتساعدوني
وأكمل: أنا عاوز محمود الخطيب يتعامل زي ما أنا بتعامل بس هو اللي بطلبه، وليه بتستفذوا جماهير الزمالك.
وتابع مرتضى منصور: أنا رجعت من المحكمة.. جبت فول وطعمية وفطرت، واتفرجت على ماتش الزمالك وبترو أتلتيكو، وبعدها نمت، وصحيت من النوم لاقيت كل الدنيا مقلوبة.. مرتضى محبوس.. لا دي قلة أدب.
