نيفين مندور عن قضية تعاطي المخدارات: كانت مشكلة خاصة بوالدي واتاخدت في الرجلين
كشفت الفنانة نيفين مندور، الشهيرة بدور فيحاء في فيلم اللي بالي بالك، مع الفنان محمد سعد، تفاصيل إلقاء القبض عليها بسبب تعاطيها المخدرات، وحقيقة أنباء ابتعادها عن الوسط الفني بسبب تلك القضية.
وقالت مندور، خلال تصريحات تلفزيونية: باختصار شديد الموضوع ده بالنسبة لي بيضايقني.. هو الموضوع كان خاص بوالدي مش بيا خالص.. بس هما حبوا يكسروه بيا، ورحت في الرجلين، وهو بقى بين نارين بين بنته وسمعته، لأن الموضوع مبقاش سمعته بس، لا بقيت سمعة بنته كمان.
وأضافت نيفين: بس ربنا كبير والحمد لله براءة من أول دقيقة، مفيش حد قدر يشكك فيها يعني، وفكرت كتير إني أرد ولكن ردود فعل الناس الإيجابية، وإن الناس مش مصدقة خليتني مردش وإنهم مصدقني، فأصلح لمين؟ للناس المريضة؟ دول مش فارقين معايا، غير إن نفسيًا الموضوع كان مخليني مش قادرة أعمل حاجة، ده غير إن الموضوع جه في وقت وفاة والدتي، فكانت الظروف صعبة.
أعمال نيفين مندور
لم يتخطى رصيد الفنانة نيفين مندور 5 أعمال، حيث أنها شاركت في 3 أعمال فقط، وبدأت مشوارها الفني مع الفنان محمد سعد بفيلم اللي بالي بالك، في عام 2003، وحققت من خلاله شهرة واسعة، ولمع نجمها واشتهرت باسم فيحاء، وهو اسم الشخصية التي ظهرت بها خلال أحداث الفيلم، وحققت به نجاحًا ملحوظًا.
