رانيا شاهين توجه رسالة حادة لـ هشام المليجي: ربنا يوريني فيك عجائب قدرته
أعربت الفنانة رانيا شاهين، غضبها الشديد من زميلها الفنان هشام المليجي، بعد تصريحاته الأخيرة، التي قال خلالها إن رانيا تتدخل في حياته، بعد ما كتبت منشورا عبر حسابها بموقع فيس بوك، قالت خلاله إنه يعاني من الاكتئاب بسبب قلة الأعمال الفنية المعروضة عليه.
وكتبت الفنانة رانيا شاهين، منشورًا عبر حسابها الشخصي بموقع فيس بوك، للرد على تصريحات الفنان هشام المليجي: حياة إيه يا هشام اللي أنا داخلة فيها.. بلاش إزعاج!! هي وصلت للدرجة دي.. أنت بتشهر بيا حياتك إيه ده.. ده أنا تاني مرة أكتب عنك من 6 سنين وعمري ما جبت سيرتك ع الفيس.. لو عايز تشتهر على قفايا تبقى معرفتنيش كويس.. عيب عليك أنت راجل كبير في السن وربنا يحفظنا من سوء الكبر.. حسبنا الله ونعمة الوكيل.. الراجل ده ياجماعة عمال يكلم أصحابي ويقول كلام كدب أنا مكتبتوش.. أهو ده جاري المحترم.
وعادت رانيا وكتبت منشورًا آخر، ردت خلاله على منشور للفنان هشام المليجي، قال فيه إنه منزعج من المكالمات التي تصله بسبب منشور رانيا عنه، موضحًا أنه لا يعاني من الاكتئاب، ولا يوجد ما يعكر صفو حياته.
وردت الفنانة رانيا شاهين قائلة: الممثل ده بعد ما مسحت البوست بعشر دقائق.. كتب بعدها بساعة إنه منزعج مني ومن التليفونات الكتير والناس اللي بتطمن عليه.. وبعدين راح تاني يوم شكرني علشان كنت السبب إنه عرف إن الناس بتحبه.. وبعد 3 أيام كتب أبعدي عن حياتي.. وأنا صامتة.
وتابعت: وعلى فكرة أنا اللي كلمته وقلتله أنا كتبتلك بوست حلو، والناس انجذبت ليه بسرعة وأنا ماكنتش متوقعة الحقيقة دي.. قالي كتبتي إيه قلتله هبعتهولك وات ساب وقالي لا يا رانيا امسحية قلت له تمام ومسحته بعد عشر دقائق.. من ساعتها مواقع وتصريحات إني داخلة في حياتك.. حسبنا الله ونعمة الوكيل.. أنا هبقى محترمة لآخر لحظة.. ومش هقول مين اللي كان بيكلم مين.. ومش هقول أنا عملت إيه وفي ناس موجودة وعارفة أنا عملت معاك إيه.. وكنت سبب في إيه.. تمام.
واختتمت رانيا حديثها: بس قسمًا بالله أي كلام فيه تشهير بيا أو تطاول.. أنا هنسى العيش والملح وأنا جزمة إني حاولت أساعدك.. حسبنا الله ونعمة الوكيل ربنا يوريني عجايب قدرته فيك.. الحمد لله إنك اتكشفت ليا.
