سمية الخشاب: حزينة على ما يحدث في أوكرانيا.. وتعليقات بعض المصريين تحمل تنمرا
قالت الفنانة سمية الخشاب، إنها حزينة لما يحدث مع الشعب الأوكراني عقب العملية العسكرية الروسية في أوكرانيا، مضيفة: الكوميكس اللي طالع من بعض الشباب سخيف وصعب وقت الأزمات والمصايب.. الناس تهزر.. الحكاية مش وقتها.
سمية الخشاب: لازم نتعايش ونتناغم مع المجتمع
وأضافت الخشاب خلال مداخلة هاتفية ببرنامج الستات، المذاع عبر فضائية النهار، مساء اليوم، أن المشهد في أوكرانيا صعب للغاية، والوضع حاليا لا يحتمل، مؤكدة: لازم نتعايش ونتناغم مع المجتمع، ويكون صاحيا ويبص حواليه الدنيا فيها إيه.
وأكملت: لازم الفنان يكون متفاعلا مع الأحداث اللي بتحصل حواليه، وعايزة أقول للناس.. التنمر والهزار مش وقته.. حط نفسك مكان الناس دي اللي متبهدلة وبتعاني، بطلوا هزار في المواقف دي.
في السياق ذاته، علقت الإعلاميتين سهير جودة ومفيدة شيحة، على الحرب الروسية الأوكرانية عقب إعلان روسيا بدء عملية عسكرية في الساعات الأولى من صباح أمس الخميس.
وقالت سهير جودة ببرنامج الستات، المذاع عبر فضائية النهار، مساء اليوم، إن المشهد في أوكرانيا صعب للغاية، مضيفة: الناس رغم الوضع الصعب بتتنمر على اللي بيحصل، وبتسخر من سيدات أوكرانية.
وأضافت: العالم موجوع من اللي بيعرض للشعب الأوكراني، وفيه تنمر وإهانة للمرأة الأوكرانية «كومكس» يتداول ودا سخيف.. السخرية جريمة؛ عايزين نشتغل بالإنسانية بدل السخرية، نسيب كل دا ونتكلم على بنات أوكرانيا.
فيما انتقدت الإعلامية مفيدة شيحة، ما حدث من سخرية من قبل بعض الشباب المصري بما يحدث في أوكرانيا، متابعة: ناس كتيرة مُتعاطفة مع السيدات والبهدلة اللي بتحصل هناك، وبنشكرهم على مشاعرهم، لكن فيه ناس تانية سخيفة، واللي لافت نظرنا إنك تعمل كوميكس في وقت الحرب، وتقول كيفية تشقط الست الأوكرانية.. دي بوستات سخافة، مالها الست المصرية ناقصة إيه؟.
