زيزو: سعيد بوصولي لـ العالمية بـ 18 ركلة جزاء.. وأبو جبل وبن شرقي عاوزين الزمالك
أكد أحمد سيد زيزو، لاعب نادي الزمالك ومنتخب مصر لكرة القدم، أن كل تركيزه في الوقت الحالي مع نادي الزمالك، رغم تلقيه العديد من العروض، عقب بطولة كأس الأمم الإفريقية التي أقيمت في الكاميرون.
قال أحمد زيزو خلال تصريحات تلفزيونية: عندي عروض احتراف، لكن أنا مكمل في الزمالك، لغايه الوقت الـ ييجي العرض الـ يناسب الزمالك، ونقعد لأن ده مستقبل، ومش بقول كلام دبلوماسي علشان أرضي جمهور الزمالك.
وأكمل: لما هييجي لي عروض من دلوقتي لشهر 6، هنقعد وفيه عروض من فرنسا وتركيا ومتابعة من أحد الأندية الإنجليزية، ولكن كل تركيزي حاليا مع الزمالك، ومفيش حاجة عروض رسمي، ولكن فيه ناس تواصلت معي ومع وكيلي، لأن من شهر 2 لـ 6 مفيش انتقالات، أنا مركز مع الزمالك، لو فيه حاجه ممكن اعملها للزمالك، أتمنى احصل على بطولة إفريقيا.
وأضاف: أي حاجه بحققها ده حلمي وأنا صغير، وباحس بتطور وأن أسدد 18 ضربة جزاء متواصلة وصولًا لـ العالميه شيء مبسوط بيه طبعا.
وأوضح: محمد أبو جبل مكنش مفاجأة في البطولة، هو حارس كبير وعنده ثقه في نفسه، وأنا متوقع إنه يعمل ده، ولما حد كان بيكلم عليه كنت باروح له أوضح له وأقول له دا الطبيعي ده مستواك.
وأضاف: كلمت بن شرقي لاعب الفريق، وهو عاوز يجدد مع الزمالك، ويقعد كل واحد عنده أهداف وطلبات، وده حقه هو محترف وله طلبات، وحقه يطلب اللي عاوزه، هو مترباش في الزمالك علشان بيحب الزمالك زي مالناس بتحبه، أنا مصري وعندي إحساس المصريبن، إحنا عاطفين، لكن أشرف بيحب الزمالك، لكن لوطلباته مش موجوده خلاص.
وشدد في النهاية: أبوجبل متكلمتش معاه عن التجديد للزمالك من قبل البطولة، هو عاوز يقعد في النادي ورأيه متغيرش بعدها.
