والد النني: ابني قالي هشرفك بعد الرحيل عن الأهلي
كشف ناصر النني والد محمد النني المحترف بصفوف أرسنال الإنجليزي كواليس رحيل نجله عن الأهلي، مشددا على أنه بكى عندما علم برحيل النني عن القلعة الحمراء.
وقال ناصر النني في تصريحات تلفزيونية: لما جالي قالي أنا مشيت من الأهلي عيطت، وقتها النني قالي هشرفك، وفعلا هو شرفني، وأصبحت فخورا به.
وأضاف والد النني: محمد تعرض لانتقادات كثيرة، وكان نفسي يكسر الدنيا في كأس الأمم الإفريقية عشان يرد على انتقادات الناس، اللي بتهاجمه بشكل مستمر.
واختتم ناصر النني تصريحاته: النني قدم أداءًا جيدًا للغاية في كأس الأمم 2021 ومن أفضل البطولات التي خاضها مع منتخب مصر على مستوى الأداء.
النني: أمي أعظم إنسانة في الدنيا
وقال النني في تصريحاته مع أحمد حسام ميدو: لو جبت الدنيا كلها لأبويا مش هقدر أوفي اللي عمله عشاني، عمري ما شفت حد بيبع أهله وربنا بيكرمه، بالعكس لو علاقتك كويسة بأهلك ربنا هيوفقك في كل حاجة.
وتابع النني: أمي كانت أعظم إنسانة في الدنيا، وكنت بتمشى أنا وأمي في الشارع وأنا صغير عشان مكنش معانا فلوس نركب، وكان طلعان عينها عليا وعلى إخواتي.
وواصل لاعب الفراعنة حديثه: مكنش معانا فلوس إن إحنا نركب مكروباصات، لازم نركب قطر كنت باجي تمرين الأهلي 3 أيام في الأسبوع من المحلة، لازم نركب قطر الساعة 7 الصبح، وكان عندي 6 سنين، أمي كانت بتصحى الفجر تحضر اللبس والأكل، كانت بتمشي معايا في طريق مفيش شاب يقدر يمشي فيه لوحده.
