ضحية زوج شقيقتها في الوراق: كان عايز يكسر نفسنا
كشفت التحقيقات في واقعة التعدي على سيدة الوراق بالضرب والإهانة، أن المتهم ترصد خطوات ضحيته واستغل وجودها بشارع النقطة وأجبرها على النزول من توك توك كانت مستقلة إياه بصحبة أطفالها.
تفاصيل قضية سيدة الوراق
وينشر القاهرة 24 نص تحقيقات سيدة الوراق التي تعرضت للصفع عدة مرات داخل الشارع، حيث أكدت فيها أن هناك خلافا بين المتهم وبين شقيقتها بسبب إقامة دعوى خلع ضده، مشيرة إلى أن المتهم استغل سيرها في الشارع بمفردها واستوقفها وتعدى عليها بالضرب والسب والإهانة.
ولفتت سيدة الوراق خلال التحقيقات إلى أن المتهم: “خلى ابنه يصورني بالموبايل وهو بيضرينى وبيشتمني وخلاني أتأسفله وبعد كده سابني أمشي، وبعدها بكام يوم لقيته نشر الفيديو اللي ضربني فيه على الموقع بتاعه على الفيس بوك علشان يبين للناس إن هو أقوى مننا وإن هو كسر نفسنا ومحدش يقدر يعمل معاه حاجة”.
المتهم نشر الفيديو علشان يكسر نفسنا
وأضافت سيدة الوراق في أقوالها أمام جهات التحقيق: الكلام ده حصل يوم 21 ديسمبر2021 الساعة الواحدة مساء بشارع النقطة القديمة الوراق، كنت رايحة أنضف شقة للناس اللي شغالة عندهم، وكان معايا أطفالي.
وتابعت: هو قعد يقولي إنتي أختك بترفع عليا قضية خلع طيب أنا هاوريكي وقعد يشتم بامي قدام الناس في الشارع، ومسكني من هدومي من عند رقبتي وقعد يضربنی بإیده علی وشي حوالي خمسة أقلام.
ضربني على وشي خمس مرات
وأشارت إلى وجود كدمات في خدها الأيمن، وأنها عملت تقريرا طبيا بمستشفى التحرير العام بإمبابة وأنها استغرقت 10 أيام للشفاء، مؤكدة أن المتهم سرق سلسلة ذهب كانت ترتديها في رقبتها، وهو ده كل اللي حصل.
يذكر أن محكمة شمال الجيزة حددت مطلع فبراير المقبل، لنظر جلسة الاستئناف على الحكم بسجن المتهم 5 سنوات في الواقعة المعروفة إعلاميا بـ سيدة الوراق، والغرامة 20 ألف جنيه تعويضًا مدنيًا للمجني عليها.
