يحيى الفخراني: بتوتر قبل المسرح ومش بنام.. وكانت هوايتي الأكورديون
تحدث الفنان يحيى الفخراني عن بداياته الفنية، وعن بداية حبه للمسرح وهو طالب في الجامعة، بجانب الحديث عن شعوره قبل صعود المسرح.
وقال يحيى الفخراني، خلال لقائه مع الممثلة القديرة إسعاد يونس في برنامجها صاحبة السعادة عبر شاشة DMC: أنا بتوتر في أي مسرحية، لأن المسرح عكس السينما أو التلفزيون وبتكون قريب من الجمهور وشايفة تعبيراتهم، وببدأ أكون مرتاح بعد أول مشهد، وأصعب حاجة هي بداية المسرحية بس، وأي حفظ بناخده في الفترة اللي بتنامي فيها وكأني بعمل الشخصية وأنا نايم.
وأكدت زوجته لميس جاب، قائلة: ممكن يحيى ياخد مهدئ قبل المسرحية، ودا لحد سنة 2001 في مسرحية الملك لير وكان محضر كل حاجة والشخصية ومنامش اليوم دا وكان متوتر وكان متقمص شخصية الملك ليير جدا، وممكن يصحى الصبح يقولك جملتين من المسرحية، وبيمشي زيه في البيت.
وواصل يحيي الفخراني: أنا بدأت المسرح وأنا طالب وكنت من المدرسة بلعب أكورديون ومليش دعوة بالمسرح، وبعد كدا دخلت الجامعة ولقيت بروفة لفرقة جامعة عين شمس، وروحت وقعدت جنب محمود ياسين، وأتوزع علينا ورق وشوفت نفسي بشخصية معينه شبهي في المسرحية، بس محمود أخد الدور وتضايقت جدا.
مسرحية الملك لير
والجدير بالذكر أن مسرحية الملك لير من إخراج أحمد عبد الحليم، وتأليف فاطمة موسى، وشارك بها العديد من الفنانين، من بينهم أشرف عبد الغفور، يحيى الفخراني، وأحمد سلامة.
