نور: كنت طفلة عاقلة بزيادة.. ومسلسل البرنس عمل نقلة في مسيرتي الفنية
تحدثت الفنانة اللبنانية نور، عن ذكريات طفولتها، بجانب الحديث عن مسلسل البرنس مشيرة إلى أنه كان نقلة في مسيرتها الفنية.
وقالت نور خلال لقائها مع الفنانة إسعاد يونس في برنامج صاحبة السعادة: مسلسل البرنس مع محمد رمضان كان نقلة في مسيرتي الفنية، مع أني بقالي كتير بشتغل بس المسلسل دا بالذات عمل فرق وأنا لاحظت الفرق دا، واتعلمت أعمل الشخصية الشعبية اللي بجد واتخانق وأضرب، ولحد دلوقتي الناس متأثرة بالشخصية وبيقولولي يا علا.
وواصلت: كنت طفلة عاقلة أوي بزيادة، وملتزمة باللي ينفع واللي مينفعش ومش عايزة أغلط وبعمل اللي عليا وكنت بشيل المسئولية من وأنا صغيرة، وعمري ما هربت من المدرسة وأصلا الفكرة مش هتيجي في دماغي وكنت في مدرسة راهبات، ومكنتش ملفتة في أي حاجة وممكن يكون حد معجب بيا وأنا مش واخدة بالي، ومش حاطة في دماغي وكنت بريئة بزيادة.
مسلسل البرنس
وفي سياق متصل، مسلسل البرنس من إخراج وتأليف محمد سامي، وشارك في المسلسل العديد من الفنانين من بينهم محمد رمضان، نور، أحمد زاهر، روجينا، إدوارد، ونجلاء بدر.
آخر أعمال نور
والجدير بالذكر، أن آخر أعمال نور هو مسلسل يحمل اسم ضل راجل، من تأليف أحمد عبد الفتاح، وإخراج أحمد صالح، وشارك في المسلسل كلا من ياسر جلال، نيرمين الفقي، محمود عبد الغني، محمد عادل، إنعام سالوسة، وإيهاب فهمي.
