دماغي ورمت وإيدي ازرقت.. نور تكشف أصعب مشهد في مسلسل جمال الحريم
تحدثت الفنانة نور، عن أصعب المشاهد في مسلسل جمال الحريم، وكشفت أيضا المشاهد المفضلة لها في مسلسل ضل راجل.
وقالت نور خلال لقائها مع الفنانة إسعاد يونس في برنامج صاحبة السعادة: من المشاهد اللي تعبتني جسديا هو مشهد طلوع الجن اللي جوايا، والمفروض الشيطان اللي جوايا بيقاوم، وأنا تعبت جدا وكان صعب.
وواصلت الفنانة نور: والمشهد اتصور كتير لحد ما الكرسي اللي كنت قاعدة عليه اتكسر ودماغي ورمت وإيدي ازرقت، وأنا عيشت المشهد كأنه حقيقي.
وأضافت نور: أنا محبتش مشهد الزار لأنه كان مشهد حقيقي وجبنا ناس دي شغلتهم فعلا، ومكنتش مرتاحة، بس كملت المشهد زي ما هي عايزة وأنا كنت قلقانة وعماله أدعي وأقول يا رب يا رب، مع أن المشهد مفيهوش حاجة، ومعرفش إيه اللي حصلي وإيه الحالة اللي جاتلي دي، مع أن فيه مشاهد أقوى تعبتني كتمثيل بس كنت عارفة أنها مش حقيقية فمكنتش قلقانة.
واختتمت نور، قائلة: المشهد المفضل ليا في مسلسل ضل راجل هو مشهد تبليغ الدكتور حمل ابنته، لأن كان عليا مسئولية كبيرة أني أبلغ الأب بحمل بنته الصغيرة، وفي نفس الوقت أحاول أهديه عشان ميدخلش يقتلها وهي جوا.
مسلسل جمال الحريم
والجدير بالذكر، أن مسلسل جمال الحريم، من تأليف سوسن عامر، وإخراج منال الصيفي، ويشارك في المسلسل العديد من الفنانين من بينهم نور اللبنانية، خالد سليم، دينا فؤاد، حازم سمير، وإسلام جمال.
