آدم الشرقاوي: كنت عايش على البقشيش عشان أدفع الإيجار.. وكان نفسي أكون لاعب كرة
تحدث الفنان آدم الشرقاوي، عن حياته وطفولته في أمريكا، وعن عمله في العديد من المطاعم، مشيرا إلى أنه تحمل المسئولية من الصغر، بجانب الحديث عن أول تجربة تمثيل له.
وقال آدم الشرقاوي خلال لقائه مع الفنانة إسعاد يونس في برنامجها صاحبة السعادة: أنا كان نفسي أرجع مصر، وأرجع لصحابي، ولما ركبنا الطيارة نسيت لعبتي المفضلة، وكنت فاكر أننا راجعين مصر تاني، بس دا محصلش.
وواصل: أهلي أخدوا منحة سفر؛ لأنهم شافوا الفرص برا مصر أحسن، وبعد فترة اتعودت على الحياة هناك، وأنا صغير كنت بهرب من البيت كتير؛ لأني عايز أطلع برا البيت وأشوف الحياة والعب في الشارع، ومكنتش بحب قاعدة البيت ومكنتش بعمل واجباتي المدرسية.
وأضاف آدم الشرقاوي: هوايتي كانت كرة القدم الأمريكية، وقعدت 7 سنين بلعبها، بس بعد فترة نسيت موضوع الكورة دا؛ عشان كان لازم اشتغل فبطلتها، ومكنتش بروح الجامعة غيرعشان محاضرات التمثيل وكنت مهتم وبذاكر وأروح بدري، وحبيت الموضوع أوي.
وتابع آدم: بابا علمني أزاي أشتغل وأكسب فلوس، واشتغلت في مطاعم كتير أوي وكنت عايش على البقشيش عشان أعرف أدفع الإيجار، وأتعلمت أشيل المسئولية من بدري، وكنت شغال سواق أوبر وقابلت واحد وقالي لو عايز تمثل كلمني ونعمل تجارب أداء، وكلمته ومثلت في فيلم اسمه Low Low عام 2019، والحمدلله من بعدها بدأت مسيرتي.
فيلم Low Low
وفي سياق متصل، فيلم Low Low من إخراج نيك ريتشي، وشارك في الفيلم العديد من الفنانين، من بينهم ألكسيس رايش، سافانا ستلين، شون كاريجان، وآدم الشرقاوي.
