مايا دياب: أؤيد الزواج المختلط مهما كانت ديانته
قالت الفنانة اللبنانية مايا دياب، إنها مُؤيدة لفكرة الزواج المختلط، ما بين مسلم ومسيحي أو أي ديانة أخرى.
وأضافت مايا دياب، خلال لقائها في برنامج بصراحة مع نيللي كريم: أؤيد بشدة الزواج المختلط، لأن ذلك يجعل الشخص أكثر نُضجًا وعقلًا، ويساعده أن يحترم جميع البشر مهما كانت ديانته، مسلما أو مسيحيا، والمهم سلوك الشخص وأخلاقه وليس ديانته.
وأوضحت مايا دياب، أنها جمدت بويضاتها، متابعة: أنا نفسي أجيب ولاد تاني، وسألت بنتي ووافقت، وأنا حاليا باجمد بويضاتي، وباشجع الناس على تجميد البويضات؛ لأن محدش بيعرف الدنيا هتحصل فيها إيه، خصوصا بعد ما الستات بقت بتشتغل ومعتمدة على نفسها ودا بيخوف الراجل، وبالتالي سن الزواج تأخر.
وبررت الفنانة اللبنانية، خُطوة إقبالها على تجميد بويضاتها، بأنها تُعطي فرصة أخرى لروح ثانية بأن تعيش، حتى عندما تموت وجسمها يتحلل على حد قولها.
وأكدت مايا دياب: ميهمنيش البنت تتجوز كبيرة ولا صغيرة، أنا مع الزواج الواعي، وأن البنت بقت واعية، وقررت أنها تتجوز بكامل إرادتها، وعن نفسي أنا عايزة أتجوز تاني طبعا.
تعرض مايا دياب للتحرش
في سياق متصل، كشفت مايا دياب، أنها تعرضت للتحرش في إحدى حفلاتها، وقالت: أنا اتعرضت للتحرش في حفلة من حفلاتي، ومش هقول البلد اللي كان فيها الحفلة، بس أنا نزلت على المسرح وحد مد إيده عليا، وكنت لابسه فستان مقفول وكبير، وعيب إني أقول لبسي لأن دا مش مُبرر بس أنا باحكي، وكان فستان زي بتوع أميرات ديزني.. يعني مفهوش أي حاجة لافتة، واتمدت الأيدي على مكان حساس في جسمي، ولفيت وقعدت أصرخ وشُفت المتحرش بنفسي، وقلت هو دا وجابوه وضربوه، بس أنا متحركتش من مكاني مع إنهم كانوا بيشدوني بالعافية عشان أمشي، وضربته برجلي على وشه وارتحت لما خدت حقي وفرحت.
