دينا عن الفنانة فيدرا: شريرة وسودا ومش لطيفة وقلبت حماتي عليا |فيديو
كشفت الفنانة دينا رأيها في الفنانة فيدرا، بعد عرض صورتها في برنامج واحد من الناس، الذي يقدمه الإعلامي عمرو الليثي على شاشة الحياة، وقالت إنها لا تحبها ووصفتها بأنها شريرة.
وتابعت دينا عن فيدرا خلال لقائها في واحد من الناس: مبطقهاش أنت جايبلي صورتها علشان أقول كدة، ست شريرة وسودا ومش لطيفة، مفيش حاجة بينا أساسًا أنا معرفهاش بس هي شريرة، هي كانت متجوزة سامح الباجوري وهي عندها 17 سنة وأنا أتجوزته بعد ما أطلقت منه بعشر سنين وقررت أنها تصاحب حماتي وتقلبها عليا.
واختتمت حديثها عن فيدرا قائلة: هي ست شريرة فأنا بكرهه ومش مضطرة أجامل.
تجارب سيئة لـ دينا
وفي سياق متصل، تعرضت دينا لعديد من التجارب السيئة، التي أثرت في شخصيتها، قائلة: أنا مبحبش أضحي عشان حد ولا حد يضحي عشاني، وبحب الراجل الرومانسي الرايق المثقف ووقت الجد يكون شديد.
دينا تتحدث عن تحية كاريوكا
وأشارت الفنانة دينا إلى أن الراقصة تحية كاريوكا، لا يوجد مثلها في الراقصات الشرقيات، قائلة: تحية كاريوكا مفيش زيها وهتفضل موجودة طول العمر، وفريدة فهمي مثلي الأعلى، أما فيفي عبده أطيب حد ممكن أقابله، وهي السبب إني خلفت، ونجوى فؤاد أستاذة عظيمة في الرقص الشرقي وفي السينما، مشيرة إلى أن الراقصات الأجنبيات لم تستطع منافسة الراقصات الشرقي.
وقالت دينا إنها لا تحتاج إلى ضل رجل ولكنها تشعر بالقيمة عند زواجها، متابعة: أنا مش محتاجة ضل راجل، أنا بتجوز عشان يكون عندي قيمة، وحدادي على راجل خرج من حياتي 3 أيام، مش أكتر، زي العزا، 3 أيام بس أعيط، وأتألم وبعدين أرجع.
