أحمد صيام: مكنتش عاوز بنتي تدخل مجال التمثيل من خوفي عليها
قال الفنان أحمد صيام، إنه كان يخشى من دخول ابنته مجال التمثيل، نظرًا لخوفه الشديد عليها من المجال.
وأضاف صيام في برنامج واحد من الناس، المذاع على قناة الحياة، والذي يقدمه الإعلامي عمرو الليثي: بنتي بسنت من وهي صغيرة كان نفسها تمثل، وأنا مانع القصة دي تمامًا، لأنه إدمان.
وتابع الفنان: فيه صعوبات كتيرة بتقابل الممثل في بداية حياته، وبنتي لما خلصت جامعة قولتلها براحتك، بس شوفي حد يقولك أنت موهوبة.
وواصل صيام: راحت مجموعة ورش، لحد ما استقرت مع المخرج خالد جلال، واتفرجت عليها في أول مسرحية، وأول ما طلعت على المسرح قولت البت كويسة.
صيام: بنتي بتشتغل بإحساس السينما
واستكمل: بنتي بتشتغل بإحساس السينما، هي دماغها بقيت سابقاني بكتير، ونصيحتي الوحيدة ليها زي ما أستاذ عادل إمام بيقول: لازم الممثل يعرف يقول لا.
وواصل: زعلان إن بناتي هيتجوزوا ويسيبوني، بنصح بنتي بسنت إن الحاجة اللي مش حاسة إنها مش هتضيف متعملهاش.
حي المنيل أثر في شخصيتي
وأضاف: حي المنيل علمني حاجات كتير، وعمي سعد صيام كان مدير الشركة العربية للإنتاج الإعلامي، ومكنش يعرف إني بمثل إلا لما شافني بعمل بروفات.
وتابع صيام: أنا مكنش في ذهني أحترف التمثيل، كانت هواية بس، لحد ما جه الأستاذ جلال الشرقاوي، في آخر سنة، قالي تعالى السنة دي قدم في المعهد، وكان آخر يوم في التقديم، وكتبت إقرار إني أقدم ورقي لما أنجح في الامتحان.
