فيفي عبده: عندي عقدة من الضرب.. ومرات أبويا معلمتنيش حاجة
كشفت الفنانة فيفي عبده في الجزء الثاني من لقائها في برنامج حبر سري مع الإعلامية أسما إبراهيم، عبر قناة القاهرة والناس، عقدتها النفسية من الضرب وتحدثت عن طفولتها.
وقالت فيفي عبده: اتضربت كتير من أمي وأنا صغيرة، وبقى عندي عقدة من الضرب ومبحبوش، بس رغم كدا الضرب علمني كتير، وأنا دلوقتي مفتقدة أمي اللي كانت كل حاجة في حياتي.
وتابعت فيفي عبده: لما أبويا أتجوز وأنا صغيرة مكنتش فاهمة، لأني كنت طفلة بس لما كبرت حسيت إني زعلانة على أمي ومش عارفة ليه، ومكرهتش مرات أبويا لأنها كانت بتعاملني كويس، بس معلمتنيش حاجة ولا أثرت في حياتي نهائيا.
واختتمت فيفي: معشتش طفولتي زي أي حد، واتحرمت من طفولتي لأني كنت بشتغل وحياتي كانت صعبة وتعبت كتير، ودا مصيري.
يذكر أن آخر أعمال فيفي عبده هو مسلسل مملكة الغجر، من إخراج عبد العزيز حشاد وتأليف محمد الغيطي، وشارك في المسلسل العديد من الفنانين منهم حورية فرغلي، حازم سمير، سامح الصريطي، وسناء شافع.
