متفهمش كلامي غلط.. رامي صبري يرد على ويجز بعد هجوم الأخير عليه
رد الفنان رامي صبري، على تصريحات مغني الراب ويجز، بعد هجوم الأخير عليه خلال بث مباشر، مشيرًا إلأى أنه فهم حديثه بشكل خاطيء.
وكتب رامي صبري، عبر خاصية ستوري على حسابه الشخصي بموقع تبادل الصور والفيديوهات الشهير انستجرام: یا ويجز یا حبيبي أنا قلت أنا بسمعك وبحب شغلك ولكن مش بفهم الكلام.. وده ميقللش من شغلك بالعكس أنت شاطر جدا ومجتهد وناس كتير بتحب شغلك.. ماتفهمش كلامي غلط یا اخويا.
تحاسب قبل ما تتكلم عليا
وقال ويجز في بث مباشر على تصريحات رامي صبري: ياريت تقولي فين الأغنية المقلدة؟ لأنك كنت محدد وأنت بتقول كدا وأصلا الأغاني كلها شبه بعض.
وتابع ويجز: أنا بكتب الأغاني وبلحنها بنفسي، أنا مكنتش حابب أتكلم أصلا بس تفرق معايا عشان أنت تعني ليا شيء.. والكلام مضايقني أنه طالع منك لأن المفروض أنت شخص فاهم ومختص.
وأضاف ويجز: مش المفروض نقول حاجة فى الأغاني، أنت راجل موسيقى وأنا راجل موسيقى مش حاسس أني عاوز أقول حاجة في أغاني لي مش المفروض أقولك جدول الضرب فى أغنية، أنت راجل فى حتة كبيرة، وتحاسب قبل ما تتكلم عليا، مكنتش حابب اتكلم بس علشان أنت شخص تهمني فخرجت أوضح لك.
