ياسمين عبد العزيز: ماشفتش يوم عدل بعد اللي مالوش كبير وأصيبت مرتين بكورونا خلاله
كشفت الفنانة ياسمين عبد العزيز تفاصيل مرضها الذي عانت منه خلال الفترة الماضية، مشيرةً إلى أنها من أصعب فترات حياتها، حتى إنها كانت لا تستطيع الحديث والسير.
وقالت ياسمين عبد العزيز، خلال حوارها مع الإعلامية منى الشاذلي ببرنامج معكم المذاع عبر شاشة قناة cbc: من ساعة مسلسل اللي مالوش كبير ماشفتش يوم عدل ولا انبساط، وجالي مرتين كورونا، وخلصت المسلسل من هنا وعملت العملية وحصلي الخطأ الطبي ودخلت في الدوامة دي.
وأضافت ياسمين عبد العزيز: مش أول مرة أعمل عملية استئصال أكياس الشيكولاته من المبيض، عملتها 5 مرات في حياتي منذ عامي 16، ومحدش كان يعرف عني حاجة كنت بعمل كل عملية والتانية ومحدش يعرف وباخد وقتي في الراحة بعد كل عملية، وتأقلمت عليها وألمها بقى صاحبي والدكتور كان بيستغرب.
وأضافت ياسمين عبد العزيز: وأنا مش بشتكي خالص، ولازم أشتكي لما أكون تعبانة أوي، كان معايا في العملية أحمد جوزي وبنتي وصاحبتي نيفين بس، وفيه فترة أنا مش فاكراها خالص لأني كنت في غيبوبة، وعملت في شهرين بس 4 عمليات، الأولى الاستئصال والتانية تجميل لبطني، وكان وجع رهيب وبقول أنا بموت.
