شريف عامر عن منتقدي حلقة شيماء: الأغلبية متابعتش.. والانفعالات والعواطف سبقت السؤال والتدقيق
علق الإعلامي شريف عامر على حالة الجدل التي سادت خلال الأيام الماضية بسبب حلقة البرنامج واستضافته لأحد مؤدي المهرجانات، قائلًا: في خلال الكام يوم اللي فاتوا حصلت عاصفة كبيرة من ردود الفعل بخصوص يحدث في مصر وبخصوصي، وطبعًا بخصوص شيماء وصاحب مهرجان شيماء.
وأضاف عامر في خلال تقديمه لبرنامجه يحدث في مصر على فضائية إم بي سي مصر اليوم الثلاثاء: بنلخص ردود الفعل في 3 فئات، الأولى مشاهد عاتب علينا بشكل حقيقي وصادق معتبرين البرنامج أهم وأفضل من صاحب شيماء، ليكم عندنا حق الاحترام والتوضيح، وفئة أخرى يعتبرونا موجهين وأصحاب أجندات وجزء من المؤامرة الكونية العظمى هنحاول نرد عليهم ونقنعهم، والفئة الثالثة أصحاب مع الأسف هما أصحاب الأجندات والهوى والمصالح الضيقة جدًا وهي الفئة الأقل.
وتابع الإعلامي شريف عامر: من الملاحظ أن الأغلبية مشافتش ومتابعتش وكانت والانفعالات والعواطف تسبق السؤال والتدقيق، وبالنيابة عني وعن زملائي وباعتبار إني موقفتش في الموقف دا قبل كده احنا بنخلص السنة الحالية السنة الـ8 لينا على الشاشة دي، ومتصورش في أي لحظة قبل كده كنت مضطر أبرر عن نفسي.
وأردف: هدفي أن ولادي في مدارسهم وجامعتهم وبعد عمر طويل ليا ميسمعوش حاجة ضد أبوهم وعلى مستوى القناة 8 سنين، قضيت في القناة أطول مرحلة في سنوات شغلي قناة محترمة ومؤسسة مهنية الأكبر والأهم قدرت تخدم جمهور.
وأكمل عامر: كتر خير كل شخص ساند مذيع زيي، طبعًا في الأفضل مني وادعي إني بحاول أبقى مجتهد وببقى ملتزم بالصدق والمؤسسة عارفة كده كويس مطلبتش مني الا الاجتهاد والصدق.
واختتم: احنا منعرفش الـ100 مليون بيعملوا ايه كل يوم، لحد دلوقتي أحنا متصورين أن التليفزيون الأكثر تأثيرًا أنا اكتر واحد هبقى زعلان وانا بقول دا بدأ يتغير، ومصر بلد كبيرة وعندها مشاكل بتواجهها لازم نتكلم عنها بطريقة عاقلة ومحترمة دا جوهر شغلنا.
