والدة الطفلة عن المتهم بهتك عرض ابنتها بباب الشعرية: قلعها هدومها وقالها متجبيش سيرة لمامتك
كشفت التحقيقات في واقعة هتك عرض طفلة على يد فراش بمدرسة، في شهر أكتوبر الماضي عام 2021، أن والدة الطفلة أتهمت فراش المدرسة بهتك عرض ابنتها والتحرش بها داخل المدرسة، قائلة: اللي حصل مع إن بنتي جنة، قالت لي إنها عندها وجع أسفل ظهرها ومش عارفة تعمل حمام فبقولها مالك قالت لي في وجع فقلعتها البنطلون عشان أشوف مالها فلقيت في احمرار من الخلف فسألتها دا من من إيه، فقالت لي: أنا خايفة أقول، فقولت لها: متخفيش.
وأضافت التحقيقات، أن الطفلة وصفت لوالدها بشكل تفصيلي ملابسات الواقعة الواقعة، حيث قالت الفتاة: المدرس خدني في الأوضة اللي جنب الحمام، وأغلق عليها الباب، وإن الغرفة بها سرير وتليفزيون وقلعها هدومها، وهو قلع البنطلون، وبعد كده قال لها متجبيش سيرة لمامتك، ومتجييش سيرة لحد، وإلا هموتك، وقعد يقرصها في جسمها.
وتابعت أم الفتاة خلال التحقيقات: ابنتي قالت لي إن المدرس ده بيلبس جلابية، وبعد كده خدتها وروحت المدرسة يوم الأحد الصبح، عشان أعرف مين المدرس، لقتها بتشاورلي على الفراش بتاع المدرسة، وقالت لي هو ده المدرس اللي عمل معايا كده، وجريت على الغرفة بتاعت الفراش، وقالت لي ابنتي هي دي الأوضة اللي كان بيعمل فيها معايا كده، روحت القسم عملت محضر، وبعد كده الحكومة أخدته من المدرسة.
وأوضحت التحقيقات أنه بسؤال والدة الطفلة، عن متى حدثت الواقعة، أجابت: ابنتي عمرها 7 سنوات ونصف، والكلام ده حصل يوم الخميس بتاريخ 28 أكتوبر 2021 في مدرسة.
تابعت والدة الفتاة بأنها هي من اكتشفت الواقعة، قائلة: لما بنتي لقتها مش قادرة تقعد، ولا تعمل حمام، فروحت مقلعاها، لقيت في احمرار عندها، وبعد كده لما سألتها قالتلي على المتهم، وعن اللي عمله معاها.
