شاب يتحدى البطالة بالدقهلية ويتجول بعربة حمص شام وبليلة .. الشغل مش عيب | صور
قدم الشاب إبراهيم رمضان، نموذجا ناجحًا فى الاعتماد على النفس والتفكير خارج الصندوق، والبحث عن لقمة العيش بإنشاء مشروع متنقل لبيع حمص الشام وبليلة متحديًا الظروف المحيطة به.
وقال الشاب إبراهيم رمضان خلال تصريحات للقاهرة 24: أنا لما خلصت دراسة حاولت اشتغلت في كذا مكان، ولكن معرفتش، فكرت في مشروع عربة حمص الشام وبليلة، وده لأنه أخي الكبير يعمل علي عربة أيضًا، وبدأت في تصميم العربة وبالفعل نفذتها كلفتني تقريبًا حوالي 5 آلف جنيه.
وأضاف: وبدأت أنزل الشارع والحمد لله كله الناس دعمتني سواء بالكلام أثناء الشراء أو حتي إللي بيقف عربية من منظهرها كل الناس حبتني وبلف المنصورة كل يوم من أجل المكسب الحلال، الشارع الوقوف فيه صعب خاصة لو في شتاء أو لما الجو بيكون بارد بس لازم نتحمل.
وتابع: أنا أخي الكبير قدوة ليا لأنه تعب كتير في حياته، ساعدني كثير ًا، وحاليًا الحمد الله المشروع نجح وبدأنا في فتح مطبخ خاص وده بيساعد ناس كتير، أنا دائما أسعي للتحقيق النجاح ونفسي كل الناس تأكل من عندي.
وأستكمل: أنا بتميز بجودة المنتجات، وباستخدم مكسرات وشكولاتة وأسعاري مش غالية مقارنة بأسعار المنتجات، علبة البليلة بالمكسرات ب 25 جنيه فقط.
وختم: أنا نفسي يكون عندي عربة في جميع محافظات مصر، وبنصح الشباب القعدة علي القهوة مش هتعملك حاجة لازم تشتغل وتتعب.
