زوج ابنة سهير البابلي: الراحلة كانت تقول السيسي مش عايز حاجة من مصر
عبر الدكتور رضا طعيمة زوج نيفين الناقوري ابنة الفنانة القديرة سهير البابلي، عن حزنه لرحيل الفنانة عن عالمنا مساء اليوم، بعد معاناة مع المرض السكري.
وقال رضا طعيمة خلال مداخلة هاتفية ببرنامج آخر النهار الذي يقدمه الإعلامي محمد الباز عبر شاشة قناة النهار: ربنا يتقبلها في الصالحين عنده، لما تشوفها وهي نايمة في اللحظات الأخيرة كانت بتردد لا إله إلا الله ووجها تحسه متصالح مع نفسه.
وأضاف زوج ابنة سهير البابلي: كانت ديمًا تقول خلو بالكو من مصر، وخليكو دراع اليمين لعبد الفتاح السيسي ابني الراجل ده بيشتغل من قلبه ومش عايز حاجة من مصر، وكانت تصحى كل يوم تقول أذكار الصباح والمساء وتدعي للشرطة والفلاحين والقضاء والجيش وللرئيس عبد الفتاح السيسي، خليكو الدراع اليمين لابني عبد الفتاح السيسي، ده بيشتغل من قلبه ومش عايز حاجة من مصر.
وتابع: ديمًا تقولنا حبوا بعض وخلي بالكوا من بعض، وكانت بتبص بعنيها وتقول الرسائل دي، ورحلت في سلام وتركت بصمة جميلة وبصمة وطنية إنسانية، وكانت حريصة على زرع الهوية المصرية في أعمالها كثيرًا.
