الملحن سامر أبو طالب يهاجم نجيب ساويرس: لولا مهرجان الجونة مكناش هنعرف شكلك
الملحن سامر أبو طالب يهاجم نجيب ساويرس: بتفهم في المحارة والسيراميك لكن المزيكا مش قصتك
هاجم الملحن سامر أبو طالب، زوج الفنانة رنا سماحة رجل الأعمال نجيب ساويرس، بعد تصريحاته المؤيدة لمطربي المهرجانات الشعبية، الذين تم منعهم من التعامل مع الجهات المختصة بقرار من نقابة المهن الموسيقية.
وكتب سامر أبو طالب عبر حسابه الشخصي على فيسبوك، الآتي: هو أنت كده جامد يعني؟
هو كل من هب ودب هيطلع يشتم فى قاماتنا الفنية والموسيقية اللي مشرفين بلدهم في الوطن العربي كله ونجوم كبار ومعاهم فلوس يتشروا بلد بحالها قبل ما انتوا تتولدوا !!للتوضيح فقط.
وأضاف سامر أبو طالب: كلمتين مالهمش تالت.. لولا مهرجان الجونة أنت ماكنتش هتبقى موجود ولا احنا كنا هنعرف شكل حضرتك إيه، ومين أصلا ادالك الحق إنك تتكلم في حاجة مش في مجال اختصاصك، حضرتك تفهم في السيراميك والمحارة والكهربا وتشطيب وحدات سكنية أو كومباوند أو شركه أو أو أو.. لكن المزيكا والفن عموما مش قصتك خالص وليهم ناسهم اللى فاهمين كويس يعنى إيه فن وفنانين الفن بكل أنواعه.
وتابع: ياريت كل واحد يخليه في نفسه وحاله عشان ربنا يكرمنا وبلدنا تتقدم.. وللعلم.. أنا مش ضد المهرجانات وكل واحد له ذوقه مانقدرش نفرض على حد حاجه ومش مع قرار الوقف ولكن يبقى في حل وسط عشان ماحدش يتضرر وفي الآخر لا يصح إلا الصحيح.. شكرًا.
واختتم سامر أبو طالب منشوره ببضعة هاشتاجات ذات معنى، منها: ضد إهانة قاماتنا الفنية، ارتقوا، ضد قرار وقف المهرجانات، اسمه الأستاذ هاني شاكر، أمير الغناء العربي.
