بعد منعه من الغناء.. سعد الصغير لـ حمو بيكا: لما بتتكلم بتبوظ الدنيا
وجه المطرب الشعبي سعد الصغير، رسالة لمطرب المهرجانات حمو بيكا، تزامنًا مع قرار إيقافه من قبل نقابة المهن الموسيقية.
وقال سعد الصغير في بث مباشر، عبر حسابه الشخصي بموقع التواصل الاجتماعي فيس بوك: حمو بيكا بعد إذن حضرتك متتكلمش، أنا أكبر منك وأنا أخوك متتكلمش عشان أنت طيب، فا أنت بتبوظ الدنيا يا حمو.
سعد الصغير يوجه رسالة لحمو بيكا
وتابع سعد الصغير: حبيب قلبي لازم تروح تقعد على الترابيزة مع هاني والملحن أحمد رمضان والمايسترو حمادة أبو اليزيد ومنصور هندي، وحلمي عبد الباقي، وتروح تقولهم براحة أنا بقول على نفسي أنا راجل مؤدي فلو دخلت الامتحان هسقط، فأنا عايز تصريح عشان معايا فرقة وعليا أقساط، وهو دا بس اللي تقوله يا حمو.
وأصدرت نقابة المهن الموسيقية، قرارا بمنع عدد من مطربي المهرجانات عن العمل، أبرزهم: أبو ليلة، حمو طيخة، العصابة، الزعيم، علاء فيفتي، شكل، ومصطفى زكريا الشهير بـ مسلم، ومجدي شطة، وعمرو حاحا، عنبة، حمو بيكا، حسن شاكوش، كزبرة وحنجرة، وزة مطرية، وأحمد قاسم الشهير بـ فيلو.
