نجل شعبان عبد الرحيم لـ هاني شاكر: ورحمة أبويا لتفك حظر مغنيين المهرجانات عشان ما يلجأوش للبرشام
طالب الفنان عدوية شعبان عبد الرحيم نجل الفنان الشعبي الراحل شعبان عبد الرحيم، من الفنان هاني شاكر نقيب المهن الموسيقية، التراجع عن قراره بإيقاف 19 من مؤدي المهرجانات الشعبية.
وظهر عدوية شعبان عبد الرحيم في فيديو مباشر عبر حسابه الخاص بموقع فيس بوك وجه خلاله رسالته لـ هاني شاكر، راجيًا إياه بضرورة، بعدم منع مطربي المهرجانات من الغناء، مشيرًا إلى أنهم قادرون على التأقلم والكسب المادي رغم قرار الإيقاف، ولكن فرقهم الغنائية والعاملين معهم غير قادرين على المعيشة.
وقال عدوية في رسالته: وحياة أغلى حاجة عندك، وحياة ولادك الرجالة وأحفادك وحياة أي حد إنت بتحبه في الدنيا، وحياة رحمة أبويا اللي إنت بتحبه، بلاش الناس اللي إنت عملت لها حظر، فكهم عشان يشتغلوا لأن معاهم ناس شغالة، ناس صغيرة في السن، مستنيين الـ 200 جنيه والـ 150 جنيه لو أثروا هيستلفوا وهيكون عليهم فلوس كتير.
وتابع نجل شعبان عبد الرحيم: سيب مغني المهرجانات عشان كده هيشتغلوا في حاجة وحشة وإحنا مش عاوزين حد يمشي وحش، إحنا عاوزين الدنيا تمشي حلوة لأن كده فيه اللي هيبيع حشيش وبرشام وإحنا ما بنصدق الدولة والدنيا تتظبط.
واستكمل عدوية: وحياة ربنا اعمل معروف سيب الدنيا ماشية عشان الناس اللي معاهم ممكن هما يعرفوا يتصرفوا، لكن اللي معاهم مفيش حد هيديهم حاجة، إحنا ما بنصدق إن الدنيا تظبط، عشان خاطر ربنا المسامح كريم وكل سنة وإنت طيب.
يُشار إلى أن نقابة المهن الموسيقية، برئيسها هاني شاكر، أصدرت قرارًا بإيقاف 19 من مؤد المهرجانات من العمل، ومنهم حمو بيكا، حسن شاكوش، كزبرة، حنجرة، مسلم، مجدي شطة، ووزة، عادل شكل، عمرو حاحا، وعنبة.
