محمد دياب بعد الهجوم على فيلم ريش: مزايدة على الرقابة ومنتجي الفيلم
كشف المخرج محمد دياب رأيه في فيلم ريش، وموجة الانتقادات التي طالت الفيلم، بعد عرضه في مهرجان الجونة السينمائي بدورته الخامسة.
وكتب محمد دياب عبر حسابه الشخصي بموقع التواصل الاجتماعي فيسبوك: المميز في فيلم ريش مش الفقر على الإطلاق، بل أسلوب مخرجه الجريء، وطريقة سرده المختلفة، وسواء عجبك الفيلم أو لا.. لازم نشيد بأن الفيلم ده بصوت وطعم مُختلف فنيا مش موجود في السينما المصرية.. الفقر والمشاكل لا يمكن يدخلوك مهرجان كبير لو مفيش جودة صنع أو تجربة سينمائية رائدة.
وتابع المخرج: فيلم ريش فيه تجريد للمكان والزمان، والفقر فيه خلفية للقصة، لدرجة إن المكان مش شبه مصر ولا أي مكان في العالم، ولو الفنانين نفسهم هم اللي بقوا بيرددوا الاتهامات اللي من نوعية تشويه مصر فدي مصيبة، لأن الكلام ده فيه مُزايدة على الرقابة وعلى مُنتجي الفيلم وعلى المهرجانات اللي بتختار الأفلام، وهيخلي أي فيلم عن المهمشين متهم بالتزلف وبيصعب إنه ينتج أو يُجاز.
فيلم ريش
وعبّر محمد دياب عن استيائه من الاتهامات التي طالت صناع الفيلم، قائلا: للأسف الكلام ده بيخلي الرأي الشعبي يبقى دايما حاطط أفلام المهرجانات في وضع المتهم، وأكيد اختاروا الفيلم عشان سبب غير مستواه الفني.. كلام فيه انسحاق وهزيمة وكأننا معندناش القدرة نعمل حاجة كويسة.
وفيلم ريش هو أول الأفلام الروائية الطويلة للمخرج عمر الزهيري، وقد اشترك في تأليفه مع السيناريست أحمد عامر.
