شقيق ياسمين عبد العزيز يهاجم ياسمين الخطيب بعد انتقادها له: عالم فشلة
هاجم الممثل وائل عبد العزيز شقيق الفنانة ياسمين عبد العزيز، الإعلامية ياسمين الخطيب بسبب منشورها الذي كتبته مؤخرًا وانتقدته خلاله.
وكتب وائل عبد العزيز في منشور له عبر حسابه بموقع فيس بوك: «ياسمين مين وخطيب إيه أنا أول مرة اسمع عنها وكل اللي أعرفه بتلبس فساتين حمرا وكده لكن بتعمل إيه والله العظيم ولا أعرف».
وتابع: «بس معزوره زاي ناس كتير عشان 99 % من أخبار السوشيال مفبركة ومش كلام مننا وبعدين اقعدي في حتة ناشفة مش ناقصاكي هيا الله يكرمك الواحد فيه إلى مكفيه، هو كل من هب ودب ولا إيه، مرة حربوقة ومرة منكوشة يلا ماهي ظاطت..عالم فشلة».
كانت ياسمين الخطيب في منشور عبر حسابها بموقع فيس بوك: «فيه 3 شخصيات على السوشيال ميديا لازم نسحب منهم الموبايلز..أخو النجمة الشهيرة إللي زايط في مرضها وكل يوم يقول تصريحين هبل.. ونجمة البرنس اللي عاملة صفحتها بلكونة للردح.. وأنا.. عشان السخونة مأثرة على نافوخي والفراغ قاتلني في الكارونتينا».
سبق أن وجه وائل عبد العزيز، نصيحة لمتابعيه من خلال منشور عبر حسابه الخاص بموقع التواصل الاجتماعي فيس بوك، إذ كتب في منشوره: «اللي عنده أب يروح يسأل عليه، واللي عنده أم يروح يترمي في حضنها، واللي عنده أخ يروح يشتكيله ويحكيله، اللي عنده أخت يروح يشوفها ويطمن عليها».
واستكمل شقيق ياسمين عبد العزيز كاتبًا: «الحقوا قبل فوات الأوان مفيش حد في عيلتك هيتعوض.. صلحوا الغلط ماتعاندوش وماتكابروش مفيش حاجة في الدنيا تستاهل يوم بعيد عن أهلك.. اللي بيبدأ الصلح هو الخير عند الله».
