سامح حسين عن حزنه يوم نتيجة الثانوية العامة: اصطدت سمك ورحت كلت حواوشي
شارك الفنان سامح حسين جمهوره ذكرياته مع إعلان نتيجة الثانوية العامة، موجهًا رسالة للطلبة بالتغلب على خوفهم وحزنهم.
ونشر سامح حسين فيديو عبر حسابه بموقع تبادل الصور والفيديوهات انستجرام، قال فيه: “مفيش بيت في مصر ما فهوش ثانوية عامة أو البيت اللي جنبه، وحتى لو مفيش في البيت ده أو اللي جنبه فهي حالة توتر عامة كل سنة في الميعاد ده حالة توتر عامة”.
وتابع: “أنا صاحي من النوم النهاردة متوتر بصراحة، كل حاجة الثانوية العامة، اتوترت أكتر من أيام الثانوية العامة بتاعتي، أنا أيام النتيجة بتاعتي كنت قاعد باصطاد سمك عادي جدا وكان حلم حياتي أدخل هندسة وربنا ما وفقنيش، عيطت شوية وخلاص رحت كلت حواوشي على طول اللي فاته حلم يدور على الحلم اللي بعيده ويعافر”.
وأردف: "ما حدش ليه دعوة يا جماعة بمجموع ابن خالته ولا مجموع بنت خالته. وعايز أقول حاجتين لا ينتهو، الأحلام والحواوشي، والف مبروك للي نجحوا وهارد لاك للي ربنا لم يوفقه دوروا على حلم تاني وما تيأسوش".
من ناحية أخرى، كانت آخر أعمال سامح حسين العرض المسرحي المتفائل المأخوذ عن رواية كانديد للكاتب الفرنسي فولتير، وشاركه البطولة مجموعة كبيرة من الفنانين منهم: سهر الصايغ، يوسف إسماعيل، سوسن ربيع، عزت زين، آيات مجدي، تامر الكاشف، زكريا معروف، رضا طلبة، طارق راغب، وآخرون، إضافة إلى مجموعة من شباب المسرح القومي، إعداد وإخراج إسلام إمام، ومن إنتاج فرقة المسرح القومي.
