يحيي الفخراني يحكي قصة له مع أمينة رزق: «فضلت ادعي ربنا يطول عمرها علشان مبقاش أنا اللي موتها»
روى الفنان الكبير يحيي الفخراني موقفًا جمعه بالفنانة القديرة الراحلة أمينة رزق، كاشفًا أنها كانت تتغلب على تعبها بالعمل، مشيرًا أنها كانت ست قوية، وتتقن عملها بشكل كبير.
تحدث الفنان يحيي الفخراني عن الفنانة أمينة رزق، خلال المؤتمر الصحفي الذي عقد لمسرحية ياما في الجراب يا حاوي، قائلًا: لما بتعب مراتي بتفكرني بموقف ليا مع أمينة رزق في كواليس مسرحية كنا بنقدمها سوا.
واستكمل يحيي الفخراني حديث، قائلًا: كان في أوضة ليا، شاكر عبد اللطيف كان عاملهالي في اللوكيشن، وكان في باب من الصالة يدخل على أوضتي، وفي مرة لقيت أمينة رزق جاية، مش قادرة تدخل، قولتلها مالك قالتلي بموت.
يحيي الفخراني
وأضاف يحيي الفخراني مازحًا: قعدت ادعي ربنا أنها تقوم وأقول يارب طول عمرها، علشان مبقاش أنا اللي موتها، ووإحنا بنقدم المسرحية تفاجأت بها على المسرح، المكرفون بتاعها مكانش مسمع كويس.
واختتم الفخراني حديثه قائلًا: لقيتها خدته ورمته، واتكلمت بصوت عالي جدًا، وصل لكل الجمهور في الصالة.. كان مجهود فظيع، وقوة ومجهود طاغي، لدرجة أني اتلغبط ونسيت الكلام.. فالممثل عنده طاقة كبيرة لازم تطلع.
ياما في الجراب يا حاوي
وفي سياق متصل، حضر المؤتمر الصحفي لـ ياما في الجراب ياحاوي، معظم أبطال المسرحية مثل يحيى الفخراني، المخرج مجدي الهواري، محمد الشرنوبي، إياد نصار، كارمن سليمان، شريف دسوقي، سما إبراهيم، حسن العدل، لبنى ونس، شريف دسوقي، رضا إدريس، ناصر سيف، شريهان الشاذلي، وآخرين.
