صفوت غطاس: "خصمت 100 جنيه من أجر رامز جلال بسبب مفرش الكازينو"
فن
رامز جلال وصفوت غطاس
كشف المنتج صفوت غطاس، كواليس مشاركة رامز جلال، في مسلسل “الرجل الآخر” للفنان الراحل نور الشريف.
وقال خلال لقائه ببرنامج "صباح الورد" عبر قناة Ten": “رامز جلال طلب مني 10000 جنيه، وبعدها بشوية جالي تليفون من سميرة أحمد وبتقولي إديله الـ 10000 جنيه، وقولتله أنا بايع المسلسل بنور الشريف وميرفت أمين ووافقت ومضيتله العقد”.
وتابع: "أنا عندي نظام إن كل يوم الصبح لازم يجيلي الحوافز بتاعة المصروفات اللي حصلت قبلها بيوم عشان أراجعها، ففي مرة براجعها لقيت في 100 جنيه قيمة مفرش وكانو بيصورو في كازينو”.
رامز جلال
وأضاف: “فندهت لمدير الإنتاج قولتله أنتم مش دافعين إيجار للكازينو اللي بتصوروا فيه قالي آه.. قولتله الكازينو مفيهوش مفارش، قالي لا، بس رامز جلال مكنش حافظ المشهد، فهو قاعد كتب الحوار على المفرش فالمفرش باظ، فقولتلهم اخصموهم من عليه”.
