"إنسان مش بتاع شو".. بدرية طلبة تدعم تامر حسني في أزمته مع حلا شيحة
دعمت الفنانة بدرية طلبة، الفنان تامر حسني، بعد أزمته الأخيرة مع الفنانة حلا شيحة بعد حديثها عنه بطريقة غير موفقة بسبب اعتراضها على المشاهد الرومانسية التي جمعتهما ضمن فيلمهما الجديد "مش أنا".
وكتبت بدرية طلبة، منشورًا عبر حسابها الشخصي بموقع التواصل الاجتماعي “فيس بوك”، وقالت: "أنا بحب كل زمايلي وبحسهم إخواتي وولادي وأساتذتي وفي النهاية بعد أي شغل بروح على بيتي وبتابعهم زي المتابع العادي، وبحب أقول كلمة حق في الزملا القريبين مني واللي اتعاملت معاهم عن قرب ولازم أقولها في وقتها وانهاردة وقت كلمه حق في النجم تامر حسني اللى بعرفه عن قرب من يوم ما ظهر وأنا بشوف منه مواقف محدش يعرفها ولا يصدقها أد إيه هو بني آدم جبار".
وتابعت بدرية طلبة حديثها عن تامر حسنى قائلة: "لكن يكفى أحكي لكم آخر موقف يوم عملية زميلي وأخويا شريف دسوقي والمكالمات اللي كل يوم بيتحايل فيها يشيل شريف دسوقي، ولما ظهرت حالة شبه حالة شريف وتكلفتها عالية وطلبت منه يتدخل قسمًا بجلال الله الموضوع ما موضوع فلوس لكن لو تسمعوا نبرة صوته وعياطه وحزنه على الحالة لما سمع الفويس بتاعها وهي فرحانة بالطرف الصناعي هتعرفوا من نفسكم البني آدم دا من جواه إيه".
وأضافت: "أد إيه إنسان مش بتاع شو غير كل دا كواليسه كلها حب واحترام لزمايله الصغير قبل الكبير ومنتهى الاحترام والأدب واستحالة يضايق أو يزعل حد ربنا يجبر بخاطرك".
أزمة تامر حسني وحلا شيحة
وكانت كتبت حلا منشورًا، عبر حسابها الرسمي بموقع تبادل الصور والفيديوهات "انستجرام"، قائلة: "أنا اتفاجئت جدًّا بنزول كليب يجمع فيه مشاهد متفرقة من الفيلم وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي”.
وتابعت: “إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده ميرضيش ربنا، وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى".
