ماندو العدل لحلا شيحة: "ياريت لما تطلقي مترجعيش تقولي عايزة أمثل تاني"
وجه المخرج ماندو العدل رسالة للفنانة حلا شيحة، بعد إعلانها تبرؤها من مشاهدها في كليب “بحبك”، والذي جمعها بالفنان تامر حسني من فيلمهما الأخير “مش أنا”.
وكتب ماندو العدل عبر حسابه الشخصي بموقع التواصل الاجتماعي “فيس بوك”، وقال: ياريت بس لما تطلقي مترجعيش تقولي عايزة أمثل تاني يا أستاذة حلا".
وفي أول تعليق من أحمد شيحة، والد حلا شيحة، ردا على تبرؤها من مشاهدها بفيلم “مش أنا” مع تامر حسني، قال في تصريح خاص لـ "القاهرة 24": “مفيش حاجة اسمها إن الفنان يعمل دور يكون قرأه، ومثله وبعدها يرجع يقول أنا مش عايز المشاهد دي، حتى لو كانت بنتي، وايه دخل تامر حسني إن هو يشيل ويحط".
وكانت نشرت حلا شيحة بوستر الفيلم عبر حسابها الشخصي بموقع الصور والفيديوهات القصيرة “انستجرام”، وقالت: “أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي”.
حلا شيحة
وتابعت: “إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده ميرضيش ربنا، وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى”.
