أول تعليق من منة عرفة بعد خطبتها (صورة)

احتفلت الفنانة الشابة منة عرفة، بخطبتها على الممثل الصاعد محمود المهدي، حيث وجهت رسالة شكر لكل الذين هنأوها بهذه المناسبة السعيدة.

ونشرت “عرفة” صورتها مع خطيبها على حسابها الشخصي بـ"انستجرام"، حيث ظهرت مرتدية فستانًا “بيبي بلو”، وعلقت قائلة: “لبقية حياتي.. شكرًا على كل الرسايل اللي جاتلنا وكل حد أخد من وقته ولو دقيقة عشان يبعتلنا كلمة حلوة.. وشكرًا بجد على كل دعاوتكم الجميلة.. فرحتنا اكتملت بيكوا”.

وسبق، وكشف الممثل الشاب الصاعد محمود المهدي، سبب عدم نشر منة عرفة أي صور تجمعهما عند إعلان خطبتها، وأن ذلك كان بناءً على رغبته.

ونشر محمود المهدي مقطع فيديو عبر حسابه الشخصي على موقع تبادل الصور والفيديوهات القصيرة “انستجرام”، وقال خلاله: “أنا اللي طلبت من منة ماتنزلش صورنا، ومحدش يعرف لأسباب منها إني كنت عايز أعلن بعد ما ينزل فيلمنا اسمه 666 والناس تعرفني الأول من خلاله عشان مايتقالش إني عرفت منه استغلال أو أي كلام من اللي بيقتال، أنا عرفت منة من أكتر من سنتين وقربنا أكتر وحتى الصور اللي نازلة قديمة وشكرًا لكل حد باركلنا”.

وعلق محمود على الفيديو، قائلًا: “بجد بشكر كل شخص بعت الرسايل اللي وصلتلنا بجد الرسايل جميلة زيكم وبحاول أقرأ الرسايل والله كلها واللي معرفتش أرد عليه يسامحني.. مش هعرف أرد على كل الرسايل بس بقرأهم”.

ملك عاصم: "اختفيت 5 سنين عشان الناس متستغربنيش لما أكبر زي منة عرفة" (خاص)

خطيب منة عرفة: "طلبت منها ماتنشرش صورنا عشان مايتقالش بستغلها" (فيديو)