هشام حطب: "أنا لو مكان مرتضى منصور أطلب 100 مليون مش 20 بس يعرف ياخدهم"
رد هشام حطب، رئيس اللجنة الأولمبية، على تصريحات مرتضى منصور بشأن إقامته دعوى قضائية ضده ومطالبته بدفع 20 مليون جنيه عن الأضرار التي أصابته من قرار عزله والذي الغته محكمة القضاء الإداري اليوم.
وقال حطب في تصريحات خاصة لـ “القاهرة 24”: “أنا لو مكانه أطالب بـ100 مليون بس يبقى يعرف ياخدهم واشمعنا 20 مليون ليه مش 100 مليون ليه مش 19 مليون، كل هذا الكلام للدعاية”.
وأضاف هشام حطب: “مرتضى منصور هيقاضي مين؟ هشام حطب بشخصه أم بصفته، يعني هيجي يأخد فلوس ولادي ولا فلوس اللجنة الأولمبية، مضيفًا: ”لو هيجي يأخد فلوس اللجنة الأولمبية عندنا 5 كراسي يجي يحجز عليهم وأنا هبلغ الأعضاء كل واحد يجي بالكرسي بتاعه".
وتابع هشام حطب: “كل ما يقوله مرتضى مناورات في غير مكانها وأسباب أخرى، وإحنا ناس بتخدم الدولة وبنحترم القانون سواء معانا أو علينا، وسنستنفذ كل درجات التقاضي الذي منحها القانون لنا”.
وواصل: “القاضي له وجهة نظر، وممكن مدعي الاستئناف يغيرها، وشوفنا أحكام كتير بالإعدام انتهت بالبراءة، وشوفنا حسني مبارك اتحكم علي بـ25 سنة سجن ثم حصل على البراءة، ومن حكم بـ25 سنة سجن سليم ومن منحه البراءة سليم”.
