في أول ظهور لها.. طفلة فلسطينية تروي تفاصيل كتابة وصيتها (فيديو)
وسط الضجيج الكبير في العالم بسبب القصف المستمر من الاحتلال الإسرائيلي على قطاع غزة، بجانب التنديد من قبل قادة العالم للأحداث المأسوية، كانت الطفلة الفلسطينية زينة البالغة من العمر 10 سنوات، تكتب وصيتها في حالة استشهادها بسبب القصف الإسرائيلي.
وقالت زينة الضابوس: "أنا ساكنة بفلسطين بغزة بحي الصفطاوي، وكتبت الورقة قبل ما أنام وحططتها تحت الوسادة".
وأضافت الطفلة لـ"القاهرة 24": "كنا نايمين الساعة 6 الصبح، وماما اجت تصحينا وقولتلها شو في، قالت قالولنا نخلي المنطقة، لأنه بيصير عندنا قصف راح يقصفوا بيوتنا، فلبسنا الساعة 6 الصبح وطلعنا برات البيت".
وتابعت زينة: "أنا كتبت الورقة بليل ونمت، وماما كانت بتروق بتختي لاقيت الورقة تحت الوسادة، أنا كتبتها عشان الحرب اللي بتصير عندنا وعشان الشهداء اللي بتموت دائمًا، بيموتوا أطفال وكبار".
وقالت: "بعدين تاني يوم الصبح، قالونا نطلع من البيت لأن في قصف طلعنا ورجعنا، والساعة 2 بليل قالولنا نطلع من البيت تاني، وضلنا بالشارع لحد الساعة 6 الصبح بسبب القصف".
من جانبها أردفت الطفلة: "أنا حابة أقول لفلسطين وكل المدن إني نفسي أعيش زيهم وارتاح، أنا بقول هادي الشي لكل العالم أنا نفسي أعيش مرتاحة ودايما بدعي إن يصير تهدئة، وما يصير قصف، لأنه أنا كتير تعتبت دايما بيهددونا ويقلولنا نطلع من البيت بدينا نقصف".
واستكملت: "الله يعين كل الناس اللي ماتوا واللي انهدمت بيوتهم وماتوا"، قائلة: "أنا مهتنتش على ملابس العيد كان نفسي البس ملابس العيد لكن ملناش نفس كنا مجهزين كل شي ومحضرين حالنا، لكن صار القصف بليل".
كما واصلت: "أنا نفسي أسافر عشان أرتاح من هدي البلد وهدي الحرب، لأن خلاص اليهود هما هيك، لكل المدن أوقفوا معنا، الناس كلها تعبت أنا طول النهار بيعيط، بس الله يعين الناس اللي أولادهم ماتوا، بدينا نعيش زي المدن اللي بره، اشى بنموت أجسامهم بتتقطع، اشى بتهدد البيوت خلاص ارحمونا يا عالم بيكفي".
وأضافت زينة:" أنا مش بنام بالمرة ولا حدا بينام بغزة، حتى الأولاد الصغار ما بيناموا بالمرة، نفسي أعيش زي باقية الناس، اللي احتفلوا بالعيد وعملوا الشيكولاتة وعملوا المعمول واشتروا ألعاب، بس أنا لا إحنا بغزة لا، طول النهار بنعيط، أنا قررت اخبي العيدية وبعد الحرب اشتري شيكولاتة وأشتري ألعاب للأطفال عشان يكونوا مبسوطين".
طالبت مصر قائلة: "مصر حبيبتنا أوقفي معنا اوقفي معنا لهيك بس يرتاح الوضع، يا مصر احنا اخوات غزة ومصر اخوات، امانة كل الناس وكل المدن توقفوا معنا، طول انهار قصف وهدى ميت وهدي عايش تعالوا شوفنا كيف الدنيا بتدمر قدام عينينا".
واختتمت: "ادعولنا يصير تهدئة وما يصير قصف، الواحد ملوش نفس لا يأكل ولا يعمل شي، شوفوا هدول اللي مشرشحين بالشارع حرام عليك ارحمونا".
