بدأت من سائق أوبر.. الإعلامية رولا خرسا تكشف مصدر إصابتها بفيروس كورونا
فن
رولا خرسا
كشفت الإعلامية رولا خرسا تفاصيل إصابتها بفيروس كورونا المستجد، ومصدر إصابتها، وقالت: “أنا والكورونا، في يوم كتبت عنه سبحان الله علي الفيس بوك، وكأن قلبي كان حاسس إنه هيكون يوم فارق في حياتي، ركبت أوبر لففني مصر كلها، كان يوم حر نار، قفل السواق الشبابيك وشغل التكييف”.
وتابعت عبر حسابها بموقع التواصل الاجتماعي “فيس بوك”، وقالت: “ورغم كدة العربية كانت فعلا حر، ساعتين على ما وصلت مشواري.. اتاري دي كانت بس البداية.. يبدو والله أعلم كان فيه فيروس كورونا معانا.. ونزل معايا.. وتاني يوم تمحور وتمركز وقال لي الكريم خدي”.
رولا خرسا
وأضافت: “أنا لسه في التعافي ولسه تعبانة، بس هاحكي لكم يومياتي مع الكوفيد اللي عديت بيها من غير نكد، وبشوية تفكير لإن التجربة كانت قاسية علي، ورغم كدة ألف حمد وشكر لله على كل شيء دائما وآبدا، أهو حاجة تعوضكم عن المسلسلات اللي خلصت”.
