" كلوا حلويات زي مانتوا عايزين في العيد ولكن".. استشاري تغذية علاجية يوضح
قال الدكتور أحمد الغريب، استشاري التغذية العلاجية وعلاج حالات السمنة والنحافة بعيادات "جرين آبل"، إن هناك نوعان من الناس، أحدهما يرغب في القيام بالدايت بعد العيد، والآخر سيكون أسيرًا للمغريات.
لو نفسك رايحة للكحك والبسكويت
ونصح النوع الأول من الناس قائلًا:" لو نفسك رايحة للكحك والبسكويت، قدامهم حل من الاثنين، لو أنت عايز تاكل بسكوت وكحك 3 أو 4 أيام ورا بعض، الجأ للبسكوت والكحك الدايت، وهو الكحك المصنوع من جوز الهند والسكر الدايت، ولكن لو هيأكل مرة واحدة، مفيش مشكلة، خد 3 قطع من حلويات العيد، كحد أقصى".
وتابع:" يجب أن تتأكد من المصدر الخاص بها، وتأكد من صناعتها من دهون حيوانية وليست نباتية، مثل السمن البلدي، ويجب تناولها بعد الوجبة الرئيسية".
وأضاف :"أما بالنسبة للناس اللي مش ناوية تكمل دايت بعد العيد، كل زي مانت عايز، لأن المدرسة التي أميل لها، تقول إن السمنة خلل هرموني وليست زيادة الأكل، عشان كدة بنعالج الخلل الهرموني ده أولا".
واستطرد حديثه قائلًا: "الأنسولين، هو الهرمون الوحيد الذي يخزن الدهون، بدليل أنه في حالة غياب الأنسولين لمرضى السكر من النوع الأول، يشعرون ببعض الأعراض مثل دخول الحمام وفقدان الوزن"، مضيفًا:" عشان كدة استحالة تزيد جرام واحد، لذا فإن الأنسولين هو مسبب السمنة".
وأكد استشاري التغذية العلاجية:" أكثر الأشياء التي تستفز الأنسولين هو السكريات والفواكه، رغم فوائد الفاكهة، إلا أنها تمنع عن حالات السمنة، لحد ما بوابات الحرق عندها تفتح، أو تحل المشكلة الهرمونية لديها".
ووجه حديثه للمتابعين قائلا:" يا جماعة كلوا محشي، بيتزا وحلويات، ولكن يجب عدم الإفراط من تناول الحلويات، ومع اختلافي مع البقوليات، وأنها تسبب بعض المشاكل، إلا أنها أرحم من السكريات، كلوا زي مانتوا عايزين بس حاولوا تطبقوا الصيام المتقطع على قد ما تقدروا، وديه فكرة سهلة، حاول متجيش ناحية السكريات".
للتواصل مع الدكتور أحمد الغريب عبر فيس بوك اضغط هنا
والتواصل عبر الانستجرام اضغط هنا
ولمشاهدة كل ما يتعلق بالتغذية السليمة وكيفية الحفاظ على صحة الجسم العامة اضغط هنا
