تامر عاشور عن منتقديه إثر صورته مع مريضة سرطان: "نفوس مريضة.. كأنهم ما صدقوا لاقولي غلطة"
رد الفنان تامر عاشور على الانتقادات التي تعرض لها مؤخرًا، بعد نشره صورة من مشاركته في إعلان أحد مستشفيات أورام الأطفال، مرفقة بتعليق استفز الجمهور وهو "لا خدي أنتِ أنا صايم يا فاطرة.. بحبك".
وكتب تامر عاشور، منشورًا عبر حسابه الشخصي بموقع التواصل الاجتماعي “فيس بوك”، وقال: “صباح الخير.. أنا طول حياتي ومشواري عمري ما اتريقت على حد سليم، علشان اتريق على مريض حاش لله.. واللي أخد كلامي تريقة على مريض نفوسهم ضعيفة، وهم اللي مرضى بيفرقوا بين المريض والشخص الطبيعي”.
وتابع: "لو نزلت صورتي مع أي طفل "اللي هو غير مُكلف بالصيام" وقولتله بأي طريقة "متشربش مياه قدامي يا فاطر" أو "خد دي يا فاطر أنا صايم".. حد هيتكلم؟ مستحيل علشان طفل طبيعي.. لكن المريض لا منهزرش معاه زي الطبيعي، علشان هو مريض ونفضل نقوله مريض مريض مريض ونحسسه بمرضه من تعامولاتنا".
وأضاف:"المرض الحقيقي هو التفرقة بين طفالنا اللي بصحة جيدة ربنا يديهم كل الصحة وـطفالنا اللي ربنا اختارهم للمرض.. المرض الحقيقي هو أن فكرة "المعايره" جاتلك قبل 100 فكرة تانية ممكن تجيلك من جمال البنت وضحكها وبهجه الصورة".
واختتم: "وللأسف شوفت كمان حاجة غريبة جدا.. ناس كتير قوي محسوبين على "هامش هامش هامش المجال الفني" عمرهم ما شافو مني حاجة وحشة غير أني مباديهمش مواعيد لاقيتلهم تعليقات، كأنهم ما صدقوا لاقولي غلطة وانصحهم "العمر بيجري حاولو تعملو حاجه لنفسكم أولى"..البنت اللي في الصورة فضلت ف حضني طول تصوير الإعلان وبحبها جدا جدا.. ومتفقين أنا وهي على حاجات كتير قوي قوي هنعملها".
