مصمم أزياء مشاهير يهاجم محمد رمضان: "هات الفلوس اللي عليك"
خرج أشرف فجلة مصمم أزياء المشاهير عن صمته، بعد خلافات دامت لأشهر مع الفنان محمد رمضان، بسبب عدم حصوله على مستحقاته المالية.
وقال فجلة: "أنا كنت اتعاملت مع حضرتك من حوالي سنتين، أول تعامل بينا كاوا بالطو، وكان هدية مني لحضرتك، ونزلت ساعتها بوست وشكرت فيّ، وبتشجعني إني أتعامل مع حضرتك، وهيكون في شغل كتير بينا".
وأضاف في تصريحات صحفية: "بعد كده فصلت 3 بدل لحضرتك، وقولتك قيس الأول بعدين نتحاسب، وبعد ما قيست ركبت عربيتك ومشيت، واستنيك تكلمني بعدها عشان تحاسبني".
وتابع: "بعد كده عملت 4 صداري، واحد منهم طلع بيه في أغنية مافيا، واحد تاني طلع بيه في أول حفلة ليه في الساحل الشمالي".
واستكمل: "لم أحصل على أي مستحقات مالية من رمضان، وتواصلت مع مدير أعماله تجاهلني أكثر من مرة"، مضيفًا: "حاولت أروح مكتبه أكتر من مرة اتعاملت معاملة مش كويسة، قولت خلاص مش رايح تاني".
وقال فجلة: "أنا عندي ظروف ومحتاج فلوسي، وعاوز حقي يرجعلي".
ولا يزال الفنان محمد رمضان يتعرض لهجوم شديد من الجمهور، خاصة بعد وفاة الطيار أشرف أبو اليسر، الذي توفي بعد تدهور حالته الصحية، بعد أسابيع قليلة من إصدار المحكمة الاقتصادية قرارًا بدفع رمضان 6 ملايين جنيه تعويض لأبو اليسر.
