سماح أنور: "أنا بتخنق من الحجاب"
قالت الفنانة سماح أنور، إن من فرض الحجاب هم الأئمة والشيوخ، وأضافت أنها غير مقتنعة بارتداء الحجاب وفهمت الآيات التي استدل بها الفقهاء على فرضية الحجاب بشكل مختلف.
وأوضحت سماح أنور، خلال لقائها في برنامج لحظات جريئة مع الإعلامي أحمد سالم: “أنا بشوف محجبين كثير في الشارع لابسين استرتش! ده يبقى اسمه حجاب؟، وأنا لو حطيت على دماغى بتخنق ومش قضيتى إذا كان الحجاب فرض أولا وربنا هو اللى هيحاسبنى هو خلقنى بشعرى”.
وتابعت سماح أنور رأيها في ارتداء الحجاب، قائلةً: "ألبس حجاب ليه وأغطي شعري؟ ربنا خلقلي شعري، ربنا العظيم هو اللي خلقلي الشعر ده، شعري مش المشكلة، العورة هي المشكلة".
واستكملت: "أنا مليش دعوة بحكم الحجاب الديني، مليش علاقة بفرض ولا مش فرض، أنا بني آدمة عادية لو حطيت حاجة على شعري بتخنق، وربنا اللي هيحاسبني، وأنا مش بحب اللي يخوفني من ربنا، ربنا يتحب بس ميتخافش منه".
