محمد شاهين يتضامن مع مي فاروق بعد استيائها من الوسط الفني: "ربنا يعوض علينا بحاجة تانية”
عبرت المطربة مي فاروق، عن غضبها من الوسط الفني، في الفترة الحالية، واستنكرت الأساليب التي يتبعها البعض من أجل الوصول لما يردونه، مشيرة إلى أنها أصبحت تفكر في الوقت الحالي في ترك مجال الغناء، والاتجاه لعمل شيء ثان.
وساندها في موقفها المطرب محمد شاهين، ورد عليها في التعليقات بحسابها الشخصي بموقع التواصل الاجتماعي “فيس بوك”، وقال: “أنا زيك بالظبط، بس محدش فاهم ولا حد هيفهم، ربنا يعوض علينا بأي حاجة تانية”.
مي فاروق
وكتبت مي فاروق عبر حسابها الشخصي بموقع التواصل الاجتماعي “فيس بوك”، وقالت: “أنا بحب الغناء أوي، ويمكن كلكم عارفين من امتى بدأت، ولو النهاردة واحد بس عارف مي فاروق، فده بفضل ربنا ووقفة أهلي ورايا طول عمري، ولا ليا شلة ولا صاحبة ده ولا بتقرب من ده عشان حاجة، كل محاولاتي كنت فيها أنا، لا فلان سندني ولا علان كان له فضل عليا، بس أحب أقول لكم إني زهقت جدا، والمجال ده محتاج شِلل وصحوبيات، وأنا مش في الحتة دي، ومبعرفش اتقرب من حد عشان مصلحة، وطول منا كدة، مش هقدر أوصل للي أنا عايزاه”.
وأضافت: “ساعة الجد أنت اللي بتسعى، وكمان بتحبط وأنا مفروض قوية ومش بستسلم ببساطة، بس أنا قرفت وزهقت وقربت أكره الغناء نفسه اللي ربنا ميزني بيه، وبفكر جديًا أبعد عنه تمامًا، لأني فعلا زهقت جدًا، وياريتني ما حبيت الغناء من صغري ولا كان ليا في أصلا”.
