إلهام شاهين للفتيات: "نفسي البنات مايخافوش من المتحرشين"
علقت الفنانة إلهام شاهين على قضايا التحرش، التي انتشرت بشكل كبير في الآونة الأخيرة، بدايةً من واقعة ميت غمر وحتى فتاة المترو.
وتحدثت شاهين في مداخلة هاتفية عبر برنامج كلمة أخيرة، الذي تقدمه الإعلامية لميس الحديدي على شاشة "ON" قائلةً: "نفسي البنات مايخافوش، لأن الخوف ده بيشجع المتحرشين، وبيخليهم يحسوا إن البنت هتخاف تقول ده للمجتمع فبيكرروا جرائمهم".
كما طالبت بضرورة فضح المتحرشين ووجود قوانين رادعة قائلة: "لازم نفضح المتحرشين ويكون عندنا قوانين حاسمة جداً وبسرعة خاصة أن قضاء مصر شامخ وعظيم هو ياخد حق البنات دي".
أكملت: "لازم كل البنات حتى لو تعرضوا للتحرش من المحارم وده فيلمي الأخير بيتكلم عنه وأياً كانت درجة القرابة أعمام أو أخوال أو غيره تروح تبلغ فوراً، وماتخفش ولازم تواجه المجتمع لانها غير مخطئة ،والمخطيء هو اللي يخاف مش العكس فالمواجهة تساعد بقية الفتيات".
وأضافت: "سبب صعوبة تعامل المجتمع مع الفتيات الاتي يتعرضن للتحرش، يعود للرجالة المتحرشين هما الي بيعملوا ده".
واختتمت: "أياً كان المجتمع أنا في النهاية ليا نفسي فقط، لان البنت مش بتعمل حاجة غلط هي ضحية وأنا بحب المرأة القوية وأطالب الضعيفة بأن تكون قوية ومواجهة ولازم نساعدهم يبقوا كده".
