"أنا ربنا بيحبني".. الحديث الكامل لسيدة فاجأها السيسي على الهواء بتوفير مطالبها
علقت السيدة ناهد جمال سعيد، سائقة التروسيكل، على استجابة الرئيس عبد الفتاح السيسي، لحالتها وظروفها الصعبة، قائلة: "أسعد يوم في حياتي النهارده علشان خاطر عيالي وجوزي.. أنا ربنا بيحبني".
وكانت ناهد جمال سعيد، سائقة التروسيكل، كشفت في مداخلة هاتفية لبرنامج "من مصر" مع الإعلامية ريهام إبراهيم والإعلامي عمرو خليل، عبر قناة CBC، أنها لجأت إلى العمل على التروسيكل بسبب مشاكل حدثت لزوجها، قائلة: "جوزي في ظروف خارجة عن إرادته، وحصلت له مشكلة ومش موجود معانا.. وهو كان شايلنا كلنا وجبت التروسيكل قسط علشان أشتغل عليه".
وتابعت ناهد جمال سعيد، أن لديها 5 بنات، مضيفة: "شقيانة علشان أعلم عيالي.. واللي أنا فيه دلوقتي علشان يعيشوا عيشة مرتاحة ومايبصوش لحد".
وأضافت: "فيه ناس بتضايقني لما بشتغل على التروسيكل ولكن مليش دعوة بيهم علشان أنا بشوف أكل عيشي.. وكل اللي أنا طالباه رخصة كشك علشان تعبت من التروسيكل.. وطالبة ربنا يفك ضيقة جوزي، وأنا تبع مدينة أوسيم".
