لميس الحديدي تطالب بفتح استيراد لقاح كورونا للقطاع الخاص
قالت الإعلامية لميس الحديدي، إن الأرقام الرسمية المعلنة من قبل الصحة حول الإصابات بفيروس كورونا، تشمل فقط من توجه للمؤسسات الصحية المختلفة وأجرى الفحوصات والمسحات.
وتابعت “الحديدي"، عبر برنامجها " كلمة أخيرة " المذاع على شاشة " ON": "حوالينا ناس كتيرة مش بتعمل pcr، ولا أي حاجة ومش بنعرف غير من التحاليل وبالتالي نضرب رقم الإصابات عدة مرات للحصول على الإصابات الحقيقية".
وتابعت في رسالتها للمواطنين: "سجلوا للحصول على اللقاح خاصة كبار السن وأصحاب الأمراض المزمنة".
وطالبت بفتح الاستيراد الخاص باللقاحات للقطاع الخاص قائلة: " ده لازم يتقال الدولة تقوم بدور كبير في التعاقدات المختلفة، لكن ليه مانفتحش للقطاع الخاص؟، خاصة أن فيه شركات عاوزة تطعم الموظفين والعمال وعاوزين يدفعوا فلوس.. ممكن نفتح ده ونعمل إتفاقيات عبر هيئة الدواء أو جهاز من أجهزة الدولة نحتاج لأذرع جديدة عشان نوسع شريحة التطعيم لو مشينا بالوتيرة دي مش هنلحق نطعم 50-70% من المواطنين".
وأتمت: "مانقدرش نسند على الدولة في كل حاجة محتاجين نفتح للقطاع الخاص فيه دول كتيرة زي الولايات المتحدة، هتبدأ توفيره في الصيدليات عن طريق القطاع الخاص زي ماعلمنا قبل كده في توفير المسحات عبر القطاع الخاص بدلاً من تركيزها فقط في المعامل المركزية ".
وأكملت: "افتحوا للجميع عشان المقتدر يدفع فلوس".
