بعد إعلان اسئناف الدراسة.. هاشتاج "يا ريس أرجوك الطلاب هتموت" يتصدر تويتر

تصدر هاشتاج "يا ريس أرجوك الطلاب هتموت"، تريند على موقع التغريدات "تويتر" بعد إعلان الدكتور خالد عبد الغفار، وزير التعليم العالي، والبحث العلمي، باستئناف الدراسة يوم 27 فبراير الجاري، واستكمال أعمال الامتحانات المؤجلة من الفصل الدراسي الأول.

وأكد وزير التعليم العالي، على أن الجامعات المصرية في انتظار عودة الدراسة لإستكمال العام الدراسي حتى يتم الانتهاء من عام دراسي بالشكل المطلوب في جائحة كورونا، مؤكدًا أنه فور انتهاء عقد المجلس الأعلى للجامعات اليوم سوف يتم إعلان كافة الإجراءات.

وغرد أحد الحسابات قائلًا: "عاوز أقول شوية كلام وربنا يشهد على كلامي.. أنا لا فاشل ولا مقصر في دراستي للأسف جالي كورونا من 4 أيام حرفيًا مش قادر أفتح كتاب ولا أعمل مجهود بس مش دا الي جاي أقوله .. بس أنا ببرأ ذمتي من أي حد يتأذي بسببي يوم 27، أنا آسف يا جماعة بس أنا مش هضيع سنة من عمري عشان خاطر حد أنا هنزل واللي يحصل يحصل ومليش ذنب والله هما اللي عاوزين كدا.. لنا الله" 

فيما قال حساب باسم أسامة أرميا: "طيب بالعقل كده امتحانات جامعية بالحضور يعني مواصلات عامة، وتنقل من محافظة لمحافظة، يعني ميكروبات وزحمة ومدن جامعية كل دا قولا واحدًا مخاطرة كبيرة جدًا". 

وأضاف حساب آخر، "بيقولك هيتم تعقيم لجان الامتحانات هل يا سيادة الوزير هتعقم المدن الجامعية والسكن الخارجي وزحمة المواصلات كل يوم ولا إنت معندكش خلفية إننا في الترم الأول كنا بننزل للخطر وإحنا بنسمع خبر إن فيه حد مصاب في كليتنا كفاية دي أرواحنا".

جدير بالذكر، أنه أعلن الدكتور خالد عبد الغفار، أن التعليم عن بُعد موجود في "الكليات النظرية"، قائلا: "أنا أول مرة أشوف طالب بيطلب طريقة التعليم اللي عايز يتعلمها، محصلتش خالص"، متابعًا: "لو مش عايز تحضر قدم طلب رسمي بعذر مقبول ونخليك تمتحن السنة الجاية"، مضيفًا، ليس من المنطق أن يكون هناك مجموعة تفرض على مجموعة أخرى طريقة التعلم. 

وزير التعليم العالي: استئناف الدراسة 27 فبراير