"دايما بسيب برفيوم في المطبخ ومكونتش عايزة أمثل".. أبرز تصريحات هنادي مهنا في "صاحبة السعادة"
حلت أمس الفنانة هنادي مهنا وزوجها الفنان أحمد خالد صالح، ضيفين ببرنامج "صاحبة السعادة"، الذي تقدمه الفنانة والإعلامية إسعاد يونس، وكشف الثنائي الكثير من التفاصيل حول علاقتهما وكيفية تعارفهما على بعضهما البعض، حتى اعتراف "أحمد" لها بحبه.
وفي ذلك التقرير نستعرض أبرز تصريحات الفنانة هنادي مهنا في حلقة أمس مع "صاحبة السعادة":
- أنا ليا طقوس في المطبخ ومنظمة جدا، ولازم المطبخ يبقى نظيف، لإني مش بعرف أنام، وهو مش نظيف، ودائما بسيب في المطبخ برفيوم وكريم أحطهم قبل ما أطلع منه عشان ريحة البصل.
- في حاجات مشتركة ما بيني أنا وأحمد كتير أوي، وفي مكالمة قعدت 4 ساعات، وحسيت اللى هو ممكن أكلمه بكرة عادي مش هزهق، وأول مرة حسيت بحاجة من ناحية أحمد عيني حصل فيها التهاب كلمته قالي حطي عسل أبيض، سمعت كلامه وعلى كمية الوجع اللى حسيت به، وعينى ورمت وكان عامل نفسه دكتور، وقعد يبعتلي رسائل ويطمئن عليا وكنت مبسوطة جدا.
- كنت مش عاوزة أمثل وكنت بحب الغناء أوي وقدمت في ذا فويس واتقبلت من ضمن 500 واحد، بس كان آخر امتحان لدخول "ذا فويس" كان مع امتحان جامعتي وقلبت الدنيا دراما.
- بخاف أمثل قدام أحمد خالد صالح.
- أحمد اعترفلي بحبه على "واتس آب".
- أحمد عنده ذاكرة سمك واتأخر في الخطوبة والفرح.
- كنت قررت إني هركز في شغلي بس، وعدم الوقوع في الحب، لأني كنت بعمل 3 مسلسلات في وقت واحد، وكان فيه ضغط عليا جامد، بس وقعت في حب أحمد وكنت بلاقي وقت إني أشوفه، وكان بيوصلني من لوكيشن للوكيشن.
- فيديو مهرجان القاهرة اتفهم غلط، واتقال عليه غيرة هنادي.
الليلة.. أحمد خالد صالح وهنادي مهنا ضيوف إسعاد يونس في "صاحبة السعادة"
أحمد خالد صالح عن التمثيل أمام هنادي مهنا: “شيء ممتع”
