نشوى مصطفى تعرب عن استيائها من تطاول أحد معدي البرامج: "قاللي أنتِ ممثلة أي كلام"
روت الفنانة نشوى مصطفى، أحد المواقف الغريبة التي تعرضت لها أمس، مع أحد معدي برنامج تليفزيوني، هاتفها في وقت متأخر من الليل، وتسبب لها في إزعاج على حد قولها، وتتطاول عليها.
وكتبت مصطفى على حسابها الشخصي بـ"فيس بوك": "إمبارح الساعة واحدة ونص الصبح كلمني شخص علشان يقول لي أنه عايزني ضيفة في برنامج، الحقيقة كلمني على رقمين تليفون ماردتش على الأول ولما كلمني على الرقم التاني قلت أكيد فيه مصيبة وحد بيستنجد بيا من أهلي مثلاً المهم كتبت بوست هنا شرحت اللي حصل بدون ما أذكر اسمه ولا رقمه ولا البرنامج ولا القناة".
وتابعت: "النهارده دخل وأعلن عن نفسه وأنه كان بيتصل بيا لأني ممثلة أي كلام وماحدش بيتفرج عليا غير ولادي وأنه هو خريج جامعة أمريكية وأني مجرد خريجة المعهد العالي للفنون المسرحية التابع لوزارة الثقافة المصرية.. وده كلامه من فضلكم.. محتاجة مشورة أتصرف إزاي علشان أفهمه آداب التعامل مع فنانة مصرية عصو نقابة المهن التمثيلية وخريجة المعهد العالي للفنون المسرحية التابع لوزارة الثقافة المصرية اللي بيعايرنى بيه، ملحوظة مثبت على تليفوناتي الوقت اللي أتصل فيه على التليفونين".
نشوى مصطفى تدعم "سيدة الكرم" بعد الحكم ببراءة المتهمين: "ياريت حد يوصلني برقم تليفونها" (صورة)
