تامر أمين يهاجم دينا الشربيني بعد تصريحات الزواج: "ميصحش كده عن اللي كان جوزك"
هاجم الإعلامي تامر أمين، الفنانة دينا الشربيني، بعد تصريحاتها عن الزواج في أحد البرامج التليفزيونية، والتي أثارت جدلًا على مواقع التواصل الاجتماعي المختلفة. وقال أمين خلال فقرة في برنامجه "أخر النهار": "واقعة مش لطيفة، عشان ليها علاقة بنجم كبير بنتشرف بيه وبنحبه وبيسعدنا، وحتى على المستوى العام الحركة مش لطيفة، حضراتكم عارفين من الأخبار أن الفنانة دينا الشربيني انفصلت عن الفنان عمرو دياب مؤخرًا".
وتابع: "معجبتنيش التصريحات بتاعتها الأخيرة، لأنه مينفعش تطلع من زيجة، ولما سبتوا بعض تتكلموا على بعض كويس، وميزة عمرو دياب أنه عارف يتكلم إمتى هو كثير الأفعال فقط، هل شفتوه طلع أتكلم عليها حتى قبل الزواج عليها".
يذكر أن الفنانة دينا الشربيني، قد سبق وكشفت رأيها في الزواج بشكل عام، وأن مشاكل الزواج تحدث لأننا نتعامل معه كنهاية للعلاقة لا كبداية لها.
وقالت الشربيني خلال حلقة تجمع بينها وبين الفنان عمرو يوسف في برنامج "بصراحة" عبر قناة "mbc": "للأسف إحنا بناخد فكرة الجواز أنها نهاية العلاقة مش بداية العلاقة، ده مش حقيقي، المفروض أن بيكون فيه فترة تعارف ووقتها الاتنين مش بيكونوا على طبيعتهم، كل واحد بيحاول يجذب اللي قدامه ويطلع مثالي عشان الاتنين يتبسطوا مع بعض، تقول مثلا عايزة سلطة ولا عصير وفجأة يلاقيها بتضرب أي حاجة في التلاجة".
دينا الشربيني: "مشاكل الزواج بتحصل لما بنشوف بعض على حقيقتنا"
دينا الشربيني: "بخاف من الزمن وإني أفقد حد بحبه"
